منتديات بلاد ثمالة - كلام كبير .... للأسف هذا حالنا

المشهد الاول http://forum.al-wlid.com/images/smilies/004.gif

وحدة حلوة مرة وحبيبة

بس تخون
ايش اسوي بجمالها ؟
حياخذها الزمان و تصير عجوزة
عادي........طاح الحطب.......... و حلوة الحياة

المشهد الثانيhttp://forum.al-wlid.com/images/smil...1162920422.gif

ملتزم يصلي كل الفروض
و إذا تعب فوت صلاة الفجر
وإذا شبع راحت صلاة العصر
و عنده دش و يكذب كثير
و إذا صحى الصبح مشط اللحية
عادي........طاح الحطب........... و حلوة الحياة

المشهد الثالثhttp://forum.al-wlid.com/images/smilies/004.gif

غني و ظالم يطرد المساكين

و يستغل الضعاف

مغرور و فاسق
و مجلسه عامر
الكلٍ يبهر له
و مع ذلك يجمع حسنات من كثر اللي يسبوه
عادي.........طاح الحطب.......... و حلوة الحياة

المشهد الرابع http://forum.al-wlid.com/images/smil...1162920422.gif

يتعب في الدراسة و يشتغل

عشان يبني مستقبله
أتزوج و جاب أولاد وأتقاعد
صار يسكن في مكان و أم أولاده في مكان
والسبب الأولاد
صار دار المسنين بيتهم

عادي........طاح الحطب.......... و حلوة الحياة

المشهد الخامس http://forum.al-wlid.com/images/smilies/004.gif

تغازل و تاخذ أرقام

و تطلع مع فلان و تواعد علان
و يوم طاح الفاس في الراس بكت
و راحت تشكي لأمها غدر الزمان
طبطبت عليها أمها وقالت:
ولا يهمك سفرة لمصر وشوية سيولة
و ترجعي بنت

عادي........طاح الحطب.......... و حلوة الحياة

المشهد السادس http://forum.al-wlid.com/images/smil...1162920422.gif

مرفوع الكفن أبيض

وصاحبه وسط البياض
بعضهم يبكي و بعضهم عادي
دفنوه وحزنوا عليه شويه
و أخر الليل سكارى
عادي........طاح الحطب.......... و حلوة الحياة

المشهد السابع http://forum.al-wlid.com/images/smilies/004.gif

سيارة مسرعة

و تدعس لها واحد
مسكين هندي
و العسكري صديق الطايش
والخطأ نصه على الهندي
والباقي على أبو الطايش
و في الليل الطايش يلعب بلوت
عادي........طاح الحطب.......... و حلوة الحياة

المشهد الثامن http://forum.al-wlid.com/images/smil...1162920422.gif

قارورة مويه

ما تضره طايحة في السيارة
يطالع فيها بغضب زعلان منها
و يفتح الشباك و رماها وسط الطريق
واذا اجتمع مع الشباب قال:
متى بنتحضر

عادي........طاح الحطب........... و حلوة الحياة

المشهد التاسع http://forum.al-wlid.com/images/smilies/004.gif

أهم شي الثوب نظيف و الشماغ مكوي

و القلم ماركة والساعة تضوي
و الجزمة جلد والسيارة عجب
و تلفونه ما يسكت
إما بنات أو البنوك اللي تبغى فلوسها

عادي.........طاح الحطب.......... و حلوة الحياة

المشهد العاشر http://forum.al-wlid.com/images/smil...1162920422.gif

سطحية و مغرورة

غبية و متكبرة و يا ريتها حلوة
تبغى زوج مواصفات
ما يقول لا ويكره الاستراحات
لازم وسيم و أنيق و متعلم و دخله ممتاز
و يحب السفر
و بعد سنين تلاقي نفسها في الانترنت
تدور واحد يقبل فيها
عادي........طاح الحطب.......... و حلوة الحياة

المشهد الحادي عشر http://forum.al-wlid.com/images/smilies/004.gif

فتح الكمبيوتر

و دخل على المنتدى و كلامه ما يتعدى إن الموضوع روعة و رهيب
و هو ما قراه و لا يعرف كاتبه
بس يبغى يزيد المواضيع موضوع
ويزيد همومنا هم
عشان يصير صاحب الألف موضوع
و يتميز
والمشكلة انه يتميز
عادي........طاح الحطب.......... و حلوة الحياة

المشهد الأخير http://forum.al-wlid.com/images/smil...1162920422.gif

الكذب إثم ومع ذلك نستخدمه

و ندري إن هذا حرام و مع ذلك نجربه
نتذكر السهرة و الفرح و السفر
و ننسى الجالسين على كتوفنا
و نتناسى إن معاهم كتاب يسجل أفعالنا و نياتنا
كل شي محسوب
حتى النظر
نسينا إن ورانا يوم علاماته قربت
ومع ذلك كلنا ناسين
أن بقيت على حالك تتناسى لازم تعرف
إن ذاك اليوم ماهو عادي
وانت الحطب
و ما به حياة