هذا الله يسلمكم واحد من الشباب جاني يوم من الايام وابلشني ونشب بحلقي .
كان يبني أكتب قصيده لبنته على شان تشارك فيها في مناسبه في مدرسيه.
المهم إني قلت له يابن الناس . أنا وبكل صراحه ماهو أي وقت أبي اكتب قصيده خلاص أخذت القلم والورقه واكتبت اللي أبي .
الشعر وانا اخوك شعور وأحاسيس وعواطف داخليه يعبر عنها الشاعر.
أو في أسوء الاحوال يجب أن يتخيل الشاعرالواقع اللي يبي يكتب عنه ويعيش الدور تماماً ، وبعد كذا يكتب على شان يبدع . وغير كذا أتوقع انه ما ينفع بتاتاً
هذا رأيي طبعاً ما ادري عن وضع الشعراء الباقين .. لكني اعتقد ان الاغبيه هذا وضعهم . الا اللي لهم وضع خاص ما ادري عنهم عاد ..
المهم بعد ما راح من عندي جت براسي إني أكتب هذي القصيده الفكاهيه التي تحكي واقع ملموس فعلا .





قصـيــده فَــلَّــــهْ
[POEM="font="Times New Roman,5,darkblue,bold,normal" bkcolor="teal" bkimage="images/backgrounds/15.gif" border="groove,4,silver" type=2 line=0 align=center use=ex num="0,black""]يا أخي المعجب انا اكتب شعر لكن للشعر أوقاته=غيم شعري في سما راسي ولاني كل ساع بظله
إسمع اسمع سالفة نوره وابوها واحركاته=هو صحيح انه ولد نشمي وله فزعات ومن الشله
صاحبي وادري عن اوضاعه. كذا دايم على نياته=لكن الله يصلح امره لا بغى له شي مني عله
جا ويرمي غترته. يرمي عقاله. كل مابيديه شاته=باختصار ازعاج. حتى قلت قول اللي براسك كله
قام ناظر لي بعين النادم اللي مثقل بزلاته=قال نوره صف خامس عندها واجب وابيك تحله
لان منطق حصه ان العيب في التعليم واملاءاته=يوم جات بطبعها ونظامها اللي اتقدره وتجله.
حصه هذي معلمة نوره. ونوره أصغر ابنياته=أبله حصه تكتب اسماء البنات وتخلط الأوراق داخل سله
وكل بنت وحظها. والحظ مع نوره مسوي سواته=يعني نوره جت لها القرعه تشارك في قصيدة فله
وانت دامك صاحبي والحل بيدك يارفيقي هاته=الشعر مثل الدراهم في جيوبك من يبي ترسله
عاد ابو نوره تعرفونه يبيله من يلم اشتاته=قمت انادي ام العيال وقلت لا تبطين هاتي الدله
والقلم والدفتر الكشكول والبراد وبيالاته=توي ادخل جو توي تو مسترسل له
جو شعري جو يا عيني على كشتاته=يابله حصه علمي نوره ليا جا الضيف تخبز مله
علميها كيف تعبد ربها. تقرا كتابه. كيف حفظ آياته=علميها ان اللسان حصان له زله وياهي زله
علميها كيف تحفظ نفسها في وقتها لا تتبع لذاته=كيف تكتب كيف تقرا كيف درب الغانمين تدله
يابله حصه، يكفي المنهج لوحده هم باشكالاته=يعني بنت بسنها وبطيبها وبطهر ذيك الطله
وشلها تبلش بجو الشعر والا تبتلش ببياته=ليش تعجيز اهلها؟ يعني اش تبي توصله
شاعره؟ لا ماعتقد. والا أديبه؟ هذا علم بذاته=ناقده؟ بدري عليها .! أو نقول امدي لهذا كله
أسسيها صح. ما ربي كتب لانسان شي وفاته=الرسايل كثر، لكن وش نبي؟ نرسل ومن نرسل له؟[/POEM]

المشاركة الأصلية كتبت بواسطة السنافية (المشاركة 395942) ذائقة رائعة وتعبير أجمل تظهر لنا جانب لم يظهر لنا قبلا وهي النظرة الفكاهية التي صورت لنا تلك الأبيات اقتباس:((المهم بعد ما راح من عندي جت براسي إني أكتب هذي القصيده الفكاهيه )) هنا لم نفهم صاحبك نال ماأراد أم استفردت بالقصيدة وحدك وراحت عليها نورة

طبعاً صاحبي فجر الامر في راسي وطلع هو ونوره بخفي حنين
مثل منتي شايفه القصيده هذي ما تنفع لمشاركه ومناسبه من ذلك النوع .
لكنها رسالة لمعلماتنا الفاضلات ، تشرح لهن وضع يضايق الكثير من أولياء الامور
الا وهو كثرة الطلبات اللي يطلبنها من الطالبات .
أمور واشياء كثيره لا أرى أنها ذات أهميه بقدر ماهي إضافة عبئ على كاهل أولاياء الامور .
وهم كما تعلمون ليسوا سواء ،
ففيهم الفقير الذي لا يستطيع تلبية الاحتياجات الضروريه لبيته .
ومنهم الكبير الذي لا يستطيع أن يذهب كل يوم وآخر لتبية طلبات المعلمات التي لا تنتهي.

المشاركة الأصلية كتبت بواسطة مجنونها (المشاركة 395957) دام للمنتديات عطاؤك يا بو عبدالله على رغم طرافتها إلا إنها لم تخلو من الحكمة بس حيرتونا يالشعار يوم تقولون لازم تعيشون إحساس وجو يعني يبي لي ألبس مريله وأحط عضاب وشريطه بيضاء عشان أكتب قصيدة لنوره ليت أبله حصة تدري عنك

حياك الله يا مجنونها >>

لا يا شيخ مو كذا .. الله يرج ابليسك
أنا اقصد بالجو والاحساس.. يعني تتخيل الموضوع وتحيط به بكل جوانبه وتحس بما يحس فيه ذلك الشخص سواءً كانت آمال أو آلام أو غيرها .. وبهذا فإن الشاعر يجب الا يكتب الا وهو يعرف بالضبط وش يبي يكتب عنه ومتخيل الصوره تماما في راسه بعد كذا بإمكانه أن يكتب .. وليته بعد يجيد >> يعني مو كل شاعر يجيد
لكن دائماً القصيده اللي تعبر عن وضع وموقف مر فيه الشاعر في الغالب تكون الاجمل والاكمل.
فإن العطفه لها دور كبير في ايصال الفكره .

المشاركة الأصلية كتبت بواسطة abonayf (المشاركة 395979) أبو عبدالله الله يسعدك هذه ألقصيده تدخل السرور إلى النفس فقد قدمت ألحكمه والنصيحة والتوجيه بشكل عفوي سلس محبب إلى النفس . لله درك من شاعر صح لسان مليون وقليله .

ويسعدك يابو نايف
والله انها غايه .. ادخال السرور الى نفسك ونفس الاخوان والاخوات أعضاء وزوار هذ المنتدى ..
وشرف لي أن تترك لك أثر على متصفحي وهو بلا شك أكثر سروراً لي
وأسأل الله في الاجر وعظيم الثواب لي ولك ولجميع القراء الكرام..

والحمد الله الذي وهبنا وسيله نستطيع من خلالها توجيه رسايل لمن نحب

صح أبدانك ملايين طال عمرك ..

لا خلا ولا عدم

ماشاء الله ابو عبدالله

قصيده رائعه بروعت ابداعك

مادريت انك تكتب في الفكاهه
بس ماشاء الله رآآآآآآآآآآآآآآآىهيه بالحيــــــــــــــــــــــــــــــل

المشاركة الأصلية كتبت بواسطة مايميزني لقب (المشاركة 396106) ماشاء الله ابو عبدالله قصيده رائعه بروعت ابداعك مادريت انك تكتب في الفكاهه بس ماشاء الله رآآآآآآآآآآآآآآآىهيه بالحيــــــــــــــــــــــــــــــل

ههههههههههههـهذا بفض الله ثم بفضل موضوع بنت الشيوخ ( المدح والنقد ).. شفتي كيف أدى مفعوله . وهذي بدايات الخير ان شاء الله
صحيح إني ما وعتكم بشي لكن كان فيه نوع من الالتزام إني أبذل كل ما في وسعي
لإرضائكم فيما يرضي الله سبحانه وتعالى.. وهذا الشيئ من أولوياتي


شكراً على تشريفك لي بهذا التعقيب