ما بين الماضي والحاضر ( لابن سلمان ومشتاق)
 

[POEM="font="Simplified Arabic,5,black,normal,normal" bkcolor="transparent" bkimage="images/backgrounds/1.gif" border="outset,4,gray" type=0 line=0 align=center use=ex num="0,black""]كم لي سنه ما شفت مشتاق وسلمان =ربـــع ليا غـــاب الـخــوي يفـقــدونه

رغم أنهــم ما هــم بعيــدين جيــــران =مشتاق ورى المقبرة وسلمان دونه

إلا أن هــا الــدنيا خذت عقل الإنسان =ونــابــت أذنـه مـن مــهــمة عـيــونه

وأصبح فلان اليوم يسمـع عـن فلان =وكــل سعى في هــا لــحيــاة بشؤونه

دنيا المشاغل فـرقـت بيـن الأخــوان =يمـوت أبوهم والـعـزى ما يـحضرونه

رحماك يــا ربي ونســألك الإحسـان =نطلــبك عــن هــول الزمــان المعونـة

اليوم صدفة شفت مشـتاق وسلمان =بالمـنـتـــدى الــلــي تـوهــم يدخــلـونــه

قبل سنين تشـوفهــم بيــن الركبــان =واليوم كل منــتدى صــاروا يجــونه[/POEM]

رد : ما بين الماضي والحاضر ( لابن سلمان ومشتاق)
 

اسير الصمت
فك الله اسرك
وصلت خير انتظرني يعطيك العافية
مشتاق مشتاق لك
وشكله راح ياكلك

رد : ما بين الماضي والحاضر ( لابن سلمان ومشتاق)
 

ردك زاهب يا بن سلمان لو حسبنا حساب العصافير ما زرعنا ؟؟؟؟؟؟؟؟

رد : ما بين الماضي والحاضر ( لابن سلمان ومشتاق)
 

صح لسانك يا اسير الصمت فك الله صمتك بهذه الدرر

شد الحزام وتوكل على الله ما يفل الحديد الا الحديد

وبن سلمان والمشتاق ترى ما عندهم لياقه لفتين على المضمار ويتبطحون ارضا

رد : ما بين الماضي والحاضر ( لابن سلمان ومشتاق)
 

صح لسانك أخي أسير الصمت...
وإن كنا نتمنى ان لا ننشغل بمعرفة الأسماء المستعارة!

رد : ما بين الماضي والحاضر ( لابن سلمان ومشتاق)
 

صبرك اسير الصمت
وانت يام لسان ابتفضى لك واطلعه من بلعومك

رد : ما بين الماضي والحاضر ( لابن سلمان ومشتاق)
 

شكل أسير هو اللي
مخرب مشتاق على زهور
ياويلك ياأسير من زهور

رد : ما بين الماضي والحاضر ( لابن سلمان ومشتاق)
 

كأنك ما تقرأالا متأخر دائما وبعدين لا تحاول يابن داخل تثير الفتن لان ابو عبدالرحمن يحاول اخمادها وانت ودك تشبها.
والا انا والله اني ادور عليها غلطة

رد : ما بين الماضي والحاضر ( لابن سلمان ومشتاق)
 

منذ 4 يوم
قبل ساعة واحدة

رد : ما بين الماضي والحاضر ( لابن سلمان ومشتاق)
 

صح لسانك يا اسير الصمت