اقزوز مع سلمان ماشين قنّا == قن الرجال اللي تقود الجنودي
 

هديه بسيطه ومتواضعه للصديقين العزيزين بن سلمان واقزوز منسم بمناسبة التعيين

ولكن هذا لايعني انني رضيت عنهما تماما ولكن الخلاف لايفسد للود قضيه

سنبقى انا وهما الى الابد ضدان لانجتمعا والسبب (بدون)

عسى الله يهديهما الى سبيل الرشاد ويوفقني لعلاجهما من ازمتهما المستعصيه
بن سلمان يحتاج الى طبيب مختص في جراحة الوجه والفكين ليستاصل الزائده اللى في لسانه
واقزوز حالته صعبه جدا فهو يحتاج الى زراعة مخ كامل فل ابشن



[poem="font="Simplified Arabic,4,black,normal,normal" bkcolor="transparent" bkimage="images/backgrounds/1.gif" border="double,4,tomato" type=1 line=0 align=center use=sp num="0,black""]بسم الله الرحمن نبداء خبرنا=ونزيد بالتسليم للي شهودي
من بعد غيبة وقت جينا حظرنا=بأحلى علوم الطيب علم (ن) وكودي
نمشي بطيب العلم فيما كتبنا=ولأني ببحاثة خفّي ألسدودي
الأمن ضافي في ضواحي وطنا=في ضل أبو متعب عريب ألجدودي
الريم ترعي والذيابه تونّا=وحتى ألمها ترقد بعرش الاسودي
والمنتدى عامر بخيرة عربنا=نعمين بالثملان جمع وفرودي
ياطيب رجّال (ن) بناه وتعنا=ضحى بماله كيف عاد ألجهودي
هذا كلام زهور مافيه ضنا= ومن لايعّرف زهورلاعاش زودي
تمشي مع الشعار في كل فنا= ترقى برأس الضلع لو هو سنودي
ماهمها مستور وإلا ألمعّنا=ولأهمها سعدون وألا سعودي
هذي زهور الريف بنت المهنا=تعرف سباع ديارها والقرودي
من بعد هذا خذ يالاقزوز منا=إلّك التهاني مثل عد ألنقودي
أحلى خبر في مسمعي يوم دنا=قالوا تعين وفق ذيك ألبنودي
اقزوز دايم نذكره في لحنا= يستأهل المنصب بليا قيودي
أهله من أهل الطيب وأهله أهلنا=والفهد نسله من هذيك ألفهودي
ممدوح في ذاته ولو ما مدحنا = من ينكر الاقزوز غير ألجحودي
اقزوز مع سلمان ماشين قنّا= قن الرجال اللي تقود ألجنودي
لن قلت بن سلمان قالوا جملنا= سلمان يالعربان قلبه ودودي
لاخاب ضن اللي لهم قد تمنا= حسن الاداره طيبات الرشودي[/poem]

رد : اقزوز مع سلمان ماشين قنّا == قن الرجال اللي تقود الجنودي
 

الله بسري على شيطانك
كيف يبي يجيني نوم الليلة وانتي ما دحتني
اخيرا جيتي عند حسن ظني فيك
دايم الدوم اقول اني ما هون عليك
صح لسان تمنيت قطعه

رد : اقزوز مع سلمان ماشين قنّا == قن الرجال اللي تقود الجنودي
 

بن سلمان الله يحقق مرادك والله اني احب لك الخير

رد : اقزوز مع سلمان ماشين قنّا == قن الرجال اللي تقود الجنودي
 

بن سلمان والله انك تستاهل كل خير

انت شاعر كبير ولافيها نقاش وصديق قديم جدا في هذا الصرح الشامخ

لاكن حديثي العهد بالمنتدى يتوقعون ان ما يدور بيننا انه على محمل الجد

يقلون الكل يمزح وعبيد الله من جده ههههههههههههههههههههههههه

رد : اقزوز مع سلمان ماشين قنّا == قن الرجال اللي تقود الجنودي
 

يا زهور والله اني اشك انك تعرضين نفسك للخطر بمجابهت الرجال ترى الرجال والله ما يرحمون حتى لو كنت رجل ومتنكر في نظرهم خلاص "الله يعوضك خير " بس فيه حل واحد انك تستعيد به رجولتك
غير من زهور الريف الى باوارث واحذر الكوارث يعني انتبه من المسميات المايعه زهور والا بدي شوب " واذا حبيت تغير استشير اهل المعرفة . قال زهور قال بالله هذا اسم الحمد لله والشكر

رد : اقزوز مع سلمان ماشين قنّا == قن الرجال اللي تقود الجنودي
 

اش فيه ياجماعه اسير الصمت عصب بالحيل


هدي السرعه حبيبي الزمن تغير وعجلت الفلك تدور ولاتنتظر المتقوقعين

النساء اليوم اصبحن في مساواة الرجال حياتي

الفرق بيننا في الزي فقط اما العقل فهذا هبه ربانيه ليس كل رجل اعقل واعلم من كل امراءه

اصحا ياحبيبي من سباتك العميق اخاف تطول في نومك يفوتك قطار الحداثه والتطور وانت
ما زلت تنظر الى المراءه بمنظور القدماء البائد

نحن الان سواسيه والغلبه للعقل والعلم وليس للعظلات المفتوله على اجسام البغال واحلام العصافير ايها الاسير في صمته والاسير في افكاره

ارجوا ان تقبل الراى الاخر برحابة صدر دون انفعال

رد : اقزوز مع سلمان ماشين قنّا == قن الرجال اللي تقود الجنودي
 

امل من الجميع التقيد بنقد الموضوع فقط وان تكون الردود حول الموضوع وان لانضطر مستقبلا لاستعمال مقص الرقيب و استخدام خاصية الانذارات .
الادارة

رد : اقزوز مع سلمان ماشين قنّا == قن الرجال اللي تقود الجنودي
 

قصيدة حلو مره ولو إن بن سلمان والمنسم ما يستاهلونها

لكن الطيب ينبع من أهله

ههههههههههههههههه

رد : اقزوز مع سلمان ماشين قنّا == قن الرجال اللي تقود الجنودي
 

هذا كلام زهور مافيه ضنا= ومن لايعّرف زهورلاعاش زودي
تمشي مع الشعار في كل فنا= ترقى برأس الضلع لو هو سنودي

صح لسانك وعلا شانك ويستاهلون الشباب التهنئة

رد : اقزوز مع سلمان ماشين قنّا == قن الرجال اللي تقود الجنودي
 

معذرة على الحضور المتأخر

مشكورة أختنا المصونة ـ زهور الريف ـ على هذه الباقة الرائعة..

والجميع يستاهل كل خير ، وأولهم أنتِ...