|
وجــوب أحــمــد
السلام عليكم ورحمة الله وبركاته كتبت هذه القصيدة بمناسبة زواج الشاب أحمد بن عبدالله بن عوض بن حامد الثمالي : وجوب أحمد بدينا بأجمل الترحيـب ونرحـب بغير حـدود هلا يا مرحبـا ترحيـب مثـل السكـر الحالـي نرحب بالقريـب والبعيـد ونبـذل المجهـود وهذا حـق واجـب والشـرف والعـز يبقالـي وبن حامد نهنيـه الفـرح ما دام هو موجـود ويبشر بالسعـادة والثـواب وحسـن الأعمالـي على قول المثل يا ليت وليا إن الشبـاب يعـود ليا طـال العمـر نـفـداه بالأحـوال والمالـي يقول الشاعـر الفنـان ويقود المعانـي قـود كما قـود الركـاب الي تجيب الطيـب الغالـي يصدر وردها وليا دعى الداعـي تجيـه ورود كما ورد النحـل مع شـرة المصيـاف ينهالـي هلا يا مرحبـا عداد مطلاع الثمـر في العـود وعـدد ما لاح برقٍ في سحـاب وهل همالـي وجوب أحمد عليّه يوم أرحب والجميع شهـود وأغنـي باللحـون الي سـوات الجـم زلاّلـي سحابـه يوم تمطر بالحيـا ما تمطر المنقـود ليا أرعد رعدهـا ينزلّهـا في الأرض نـزّالـي ألا يا رب يسّـر أمرهـم يا الواحـد المعبـود وتجمعهم بخيـر وعافيـه وبحسـن الإقبالـي وعبدالله يبشر بالسعـد راعي الكـرم والجـود على سبل العـرب تفخـر بها يا طيـب الفالـي كريـم ومن كـرام ومن ينوبـه ما عليهم زود ليا جات اللـزوم في مثل هذي يرخص الغالـي ليا جات اللـزوم في مثل هذي قدهـا وقـدود وفي باب الكـرم يطمـع يهد النايـف العالـي فرحنا واسترحنا بأحمـد الي سيفنـا المجـرود ليا منـه بـدا بين الـرجـال ينشّـط البالـي يقولون الرجال من الأسد يطلع أسـود عـدود ويكتبهـا لنا التاريـخ جيـل وجيـل وأجيالـي أنا ما أنسى الرجال الطيبين الي سند وعضـود أبو تركـي ومن ينسب إليه أعمـام وأخوالـي |
رد: وجــوب أحــمــد
بيض الله وجهك يا بو شرف ،،، راعي وفا ,,,وابو احمد يستاهل واحمد يستاهل ونفخر بك وبهم ,,,
|
رد: وجــوب أحــمــد
صح لسانك يابو شرف كفيت ووفيت .. ويستاهل أحمد وأبو أحمد |
رد: وجــوب أحــمــد
:rose:بيض الله وجهك صح لســـــــــانك:rose: وأقول لأحمد بالتوفيق والبسمة دوم على محياااك أبو أحمد الله يستر عليك ويوفقك وين ماكنت وحشتنا وكذلك (مادة التاريخ كانت:thumbs_up:)<<<<هههههههه :rose:تحيااااااااااتي يعطيكم الصحة والعافية:rose: |
رد: وجــوب أحــمــد
بيض الله وجهك يابوشرف كفو واحمد يستاهل
|
رد: وجــوب أحــمــد
ابا شرف
كفيت ووفيت بديت بماقفك ووفيت واحمد وابو احمد وابوه يستاهلون النادر |
رد: وجــوب أحــمــد
صح لسانك يا أبو شرف قصيدة رائعة ..والله يوفق العريس في حياته الأسرية |
| الساعة الآن 09:41 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by