|
الـمــطــيــــه
أنا أرد المثايـل وأختبـر فيها رجـال قـروم يجونـي بالنتيجـه ويـش معناهـا ومطلبهـا ألا يا الله طلبتك في الستـر يا حـي يا قيـوم تمشينـي على السنّـه وروحـي لا تعذبـهـا أنا حظي مع الأجـواد جيّـد وأخذ المقسـوم وأنا جربـت في الدنيـا ومثلـي من يجربهـا وأنا راكب مطيـه عاصيـه يا جعلها بالقـوم تحاديبي على الهـول المهيـل إليا مشيتبهـا قويات العضـود وشكلها يا شين ذا الزلقـوم وهي من طبعهـا وأسلوبهـا تغـدر براكبهـا قحوصيـه رمـوح إليا تثنّـت للبروك تقـوم وأنا ماني بداري كيف أسـوي لين أعرقبهـا ويا كم من زعيـمٍ من قهرها ما يجيه النـوم ولا تمشـي معـه إلا المطـارق في جوانبهـا بغيـت أبتاعهـا لكن عيّـا لا يجينـي سـوم يقولـون المطيـه عاصيـه منتـه مـدربهـا عذاربهـا يقولـون المطيـه خشمها مشـروم وهذي خلقة الله شكلهـا من شكـل منسبهـا لكن تبقى على ماهي عليه ولاش عـاد عـلوم تحرّى وقت وأرمي حبلهـا من فوق غاربهـا تلاقي يومهـا ألي فيه يبغي ينصـر المظلـوم وتغسـل كحلهـا ألي كان يتغشـى حواجبهـا |
رد: الـمــطــيــــه
صح لسااااااااااااانك يا عم عوض .. وحيا الله علومك إن ما سبقني غيري .. يجيك العلم . وعسى الله يجملنا معك ومع الجمهور |
رد: الـمــطــيــــه
صح لسانك يا بو شرف
وما دام أبو عبدالله تزهل لها فهي له |
رد: الـمــطــيــــه
ابو شرف هذا فن لايجيده الا الشعراء الكبار صح لسانك ياشاعرنا |
رد: الـمــطــيــــه
صح لسانك يا عمنا ابوشرف على هذه القصيده الجزله ..
|
رد: الـمــطــيــــه
وفقك الله يابو شرف
شاعر وحكيم بارك الله فيك |
رد: الـمــطــيــــه
صح لسانك يا ابو شرف |
رد: الـمــطــيــــه
صحت أبدانكم جميعا وبارك الله فيكم
لا هنتو ولا هان تواجدكم |
رد: الـمــطــيــــه
صح لساتك يابو شرف ومنك يستفيد الجميع وقصيده ذات معنى ولفظ وحكمه
|
رد: الـمــطــيــــه
صح لسانك يالجزل قصيدة معنى ومبنى
|
| الساعة الآن 07:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by