شطون الليل
 

لابناء العمومه على وجه الخصوص وسوسة شاعر وبقايا من مشاعر

لعلها ان تروق لكم واعذروا تقصيري هنا....


[POEM="font="Arial,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


البارحه والليل مرخي المجاديل=وانا شطون الليل تقتات حالي
اقرب دلالي واحوف المعاميل=واحمس على صالي جمرها غوالي
هذي مصاديرن وهذي مقابيل=وهذيك ترعى في وسيع المفالي
احسّب حسابي واشوف المداخيل=وارجع واشوف اللي لغيري ومالي
اتذكر اللي فات واخشـى المقابيل=واخاف من كثرت سواد الليالي
للنفس سجه والمشاعر مداهيل=وايام عمري مشرفه للزوالي
يالله بسترك من جهام البهاذيل=يوم(ن) ننوخ للحمول الثقالي
ويالله طلبتك بالدروب التساهيل=في دبرة احوالي عليك اتكالي
ولامن تذكرت الغصون المظالليل=ماكن شيئ من العنا غث بالي
ولامن تذكرت الرجال المشاكيل=اللي بعاد عن الخنا والخمالي
اهل الوفا غرس(ن ) كثير المحاصيل=من طيبهم تجنى الدرر والآلي
امد للخافق نظاف الفناجيل=اللي تنقى في كريم السبالي
وارجع واقول الله يكافيك يالليل=دايم شطونك قوتها سم حالي
[/POEM]

رد : شطون الليل
 

شاعرنا الكبير
النادر
تحية طيبه لك
ويشرفني ويسعدني
ان اكون اول المهنئين
لك بهذه الرائعة
دائما انت نادر
وحقيقة
شخصيتك واسلوبك
الشعري جدا جميل

اخوك اياس

رد : شطون الليل
 

الحمدلله على عودتك
أين أنت يارجل ؟ فقد تركت بغيبتك فراغا في المنتدى
عموما عدت والعود أحمد وعدت برائعة كماعودتنا
مرحبا بك وصح لسانك ونأمل موافاتنا بجديدك
وألاتغيب كثيرا.
لك تحياتي.

رد : شطون الليل
 

الله يعيطك العافية أبو عماد
وصح لسانك ...

ولا عدمناك...ولا عدمنا قصائدك...

لكن كما أشار أبو عادل : نتمنى استمرارية تواجدك بيننا...

رد : شطون الليل
 

لا والله ما هي وسوسة الا مراجعة الذات وليت كل مسلم يراجع نفسه ويحاسبها قبل الحساب 00000
ابيض وجه ومرحبا بحضورك

رد : شطون الليل
 

بيض الله وجهك يا النادر ، لا والله الا بياض وجه والله انك فخر لنا ونعتز بك وبمواهبك ، وفقك الله لما يحبه ويرضاه .

رد : شطون الليل
 

صح لسانك
يا بن العم

رد : شطون الليل
 

النادر
سم الله عدوك يابن العمة
عساك لطول العمر ومرتع الخير
تقبل مني صادق الود

رد : شطون الليل
 

حياك الله النادر ومرحبا بعودتك لديارك

صح لسانك وسلم بنانك هي دره كما هي سابقاتها وانا على يقين بان القادم لايقل جمالا فلا تحرمنا ذلك .

دمت بخير وسعاده

رد : شطون الليل
 

ابوعماد
غبت عنا وما غاب ذكرك
دمت بخير