الله يسامحك يزهور
 

الله يسامحك يزهور
آه وا علباتي آه وا كراعي آه وا خنافري . آه آه آه . وا عضروطي وا عكني آه وا كرافيسي . آه آه
الله يسامحك يزهور جبتيها على راسي
يناس اليوم كنت مقوطر بحماري ملقي بلاد ثماله الا وهاك السياره الي صافطه قدامي ونزل منها اربعه حمير ملثمين يكرم حماري عنهم من كل باب نزل واحد منهم
اقتربوا الخباث مني وعرفت انهم مدورة شر لكن من حظهم ان البندق في الخرج ولا فيها صفر وانا واحد وهم اربععه ..آه آه وا علابيه.
قالو يمنقاش تعرف زهور . قلت يا جماعه يذكرون لي ان جدة خالة بنت عمي كان اسمها زهور الي امها زهره وابوها زاهر. وانا صادق .
قالو . تمام عليك وبعد تبهلل . وهذا هو سبب انك مسوي نفسك زهور . قلت يلجواد سمو بالرحمن . مثلي يصلح اسمه كعتور كنداث عرفج فطام وش يقربني من الزهور.
قالو لا يامروح انت وحمارك . انت تكتب في العنتر نت حق ثماله واسمك في العنتنترنت زهور الريف .
كنت اضحك احسبهم يمزحون . الا وهم مستحبيني برجيلاتي من على زاملتي وعلى الارض . ومثلكم يعرف الكثره تغلب النجابه
ما خلو فيه ضلع الا اوجعوه ولا محل يعور ومعور الا عوروه وفغلصوه حتى خلوني بين الحياه والموت
وسمعتهم وهم ماشين يقولون علينا الحرام لن ما شلت اسمك وغيرته من زهور الريف لسم رجال انك لنقبرك حي .
آه آه وا عضاريطي .
راحو الحمير عني بعد مرغوني ورمو ببردعة حماري عليه وطردوه لمكان مدري وين حتى هالحزه .
آه آه وا عكاويه .
شوفو لي دبره يا ربعي . ترون الخباث يبي يقتلوني يحسبوني زهور وانا المقهور.
وتكفين يا بنت عمي يزهور فكينا من المشكله

رد : الله يسامحك يزهور
 

اش الظرافة هذه يا منقش
أضحك الله سنك اخا العرب
ولا تشمت بزهور ترا اللي فيها كافيها

رد : الله يسامحك يزهور
 

ياولد يامنقاش فاكر العمدة
والله الجماعة هدولا الا ضربوك خبل مرة اش جاب زهور الريف البنت الحلوه الامورة
لواحد زيك بدوي منتف
اكيد انته واحد تبغى عند البنت هدي ( معناها بالمكاوي تبغى تخش خانة )
وهية اكيد واعية ومسقفة وما تخيل عليها الاعيب الواد المنقوش والا المفنوش والا المفقوش دا
روح ياواد يابدوي ارعى غنمك احسلك وشوف حمارك راح فين
وسيب بنات الاكابر للي يقدروهم ويفهموهم
صحيح سكتناله دخل بحمارة
امش يابدوي
العمدة صاحب السير

رد : الله يسامحك يزهور
 

والله ونعم ياعمده
كفيت ووفيت في منقاش المرفوس
انتبه شكلك بتروح مع اسير في ابونكله
طططططططططططططططططططططططططاط

رد : الله يسامحك يزهور
 

الله يسعدكم يالي تعرفوله هذا المكحي اللي حالته وحالت حماره واحد يبي يتكلم في بنات الاكابر يبويه ما تشوف لك فحم وتروح تبيعه على حمارك اللي شكله رايح زي .................. مقدر اكمل ، كملوا يالجاويد ترو منكاش كاش ويبي يزيد كشه ، روح ارعى غنمك والا روح لسواني حقتك يا بدوي منتف . نحن نعرفك ونعرف وشك هذا اللي زي ......................... ما اقدر اكمل كملوا يا لجاويد ................................

رد : الله يسامحك يزهور
 

لالا مظلوم يامنقاش
زهور شاعرة وانت ماعندك من الشعرحبة
واللي يشوفك ويشوف حمارك يشفق على حالك
بس هذولي ماعندهم نظر وأكيد مايكررونها معك مرة ثانية
تطمن.

رد : الله يسامحك يزهور
 

قلبي معاك يامنقاش من جد بس والله انا اسفه ما اقدر اقدملك شي الا ما يلي

الاول انك تعلمني باساميهم اذا عرفتها وانا امحطهم لك بقصيده تهجرهم من الديره مثل اللى قبلهم

والثانيه اني ارسلك على صديقنا بن داخل يقلون عنده نحل عساه يمرخك بالعسل وتتعافى

والثالثه اني ارسلك على اسير الصمت يقلون عنده قداحي ما زيها كل يوم يثور بها على جيرانه من الفقعه اللى في راسه حتى طيرهم من الحاره خذها من عنده ودافع عن نفسك

رد : الله يسامحك يزهور
 

كل من ذكر اسير الصمت لعله قصد شيء
لكن ترى والله نقدر الإدارة ونستحي من الرفاقة
وما ودي اخنبق

رد : الله يسامحك يزهور
 

يثماله حمار رفيقكم منقاش ضوى شر مضوى .مهطبل بذانيه ومسهم بعيونه وابي من العيشه وبطنه لاصق في ظهره والرشمه ماهي عليه والتبع راح . وبعض عدته راحت .
يا بنت عمي يزهور . يا عزوتي ثبت بشاهدين على اثنين وجوني المجرمين وزادوا اعترفوا . باقي اثنين نبغي نتكد واسعل عنهم مضبوط ونخليهم حتى تثبت عليهم ومعهم خمسه محرضه على الرهاب .
تكفين يالجيده بنت الجواد ابغيك هلحين تصلخين بكم بيت الاثنين الي اعترفو وعليهم شاهدين وهم بن عزاب وبن داخل . تكفين ابردي قلبي فهالثنين قبل الثلوث بقصيده تخليهم يتلثمون ويدسون وجيههم عن القبايل .
وان كان تقدرين تخصين معهم بن ابي محمد لجل انهم قالو الرجال شجعهم مدري زعرهم وغواهم ما قلعتهم العفنى.
تكفين لا تلهين وانت مذكوره بالخير ونصرة المظاليم . تكفين يا صاحبة الميقاف الي ان قالت توفي . اشفي قلبي من بن داخل وبن عزاب ولا تقولين لي خلهم مع البقيه والا كاني والا ماني . الباقين يبي يجيهم نصيبهم وخيرك واجد وانت تغرفين القاف من بحر . تكفين يعزوتي . آه آه واقهرك يا منقاش وا عكانينك وااا علابيك .