[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياعين قرناسٍ تنكس على اللوح=متنكرٍ يومين ضايع وغادي
وده يخم اللوح والجوع ذابوح=من يوم ضاع وماطمع بالثنادي
حاديه جوع وصوت راعيه مبحوح=من يومه اقرش في سبوقه ينادي
قرناس عود وخابرالصوت بصحوح=ماطاوله بالنقل كثر الايادي
موالفٍ راعيه من يوم مطروح=مع حس صوته يخترش للهدادي
هايب وله يومين ماذاق ذرنوح=من ضيعته والجو عج وبرادي
لد النظر يمي ولو كان بالشوح=تراك فحساب الغلا مانت عادي
كم واحدٍ في مجلسي صار ممدوح=واقول ما انتم يم علم الوكادي
هذاك ويش الروح لن كانه يروح=خطر ٍ يصير القلب عقبه رمادِ
لد النظر ماعاد فالصدّ مصلوح=قدرك غدا في محجر العين بادي
وش له نداري والغلا صار مفضوح=ماهو بكيفي ضاع لاجلك رشادي
تعال ماباقي مساحات لجروح=في كل لحظة لي جروحٍ جدادي
ياعين قرناسٍ تنكر على اللوح=ماضاع لكن اخلفووووه العبادِ
[/POEM]

المشاركة الأصلية كتبت بواسطة النادر (المشاركة 444723) ابا هبه كنت قد طلبت ان اكتب بحروف الهوايه فاخترت لكم هذا النزف من وحي الغواية برؤي صقااااار وببعد آخر غير حب الطير

المشاركة الأصلية كتبت بواسطة @ بن سلمان @ (المشاركة 444735) صح لسانك يا بو عماد وإن كنت طلبتك فليقيني بأني طلبت جزل وأنا أعرف إنك راعي هواية وما هي غواية وسرتني أيضاً الهواية الجديدة ويبدو لي يابن العمة إنك عشقت الأرض هناك وعشقت بيئتها , ولا غريبة إن الشاعر إبن بيئته

المشاركة الأصلية كتبت بواسطة أبوخالد (المشاركة 444747) اقول صح لسانك يابوعماد ومافيك حيله نادر

المشاركة الأصلية كتبت بواسطة صقر الحجاز (المشاركة 444799) صح لسانك ايها القناص المبدع

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ممتع مرورك لان به شايتينِ=فكر الاديب واسم غالي عليه
[/POEM]

النادر

المشاركة الأصلية كتبت بواسطة مجنونها (المشاركة 444826) دام للمنتديات عطاؤك وصح لسانك يعبث من يجاريك

النادر المبدع

صح لسااااانك وعلا شانك
أنا بكل صراحه لا أفقه شيئ في هذي الهوايه .. وبعيد عنها كل البعد
ولكني أرى الشعراء يستهوونها .. وأحهل كذلك ما سر المتعة التي يجدونها بها