يقول الخلاوي والخلاوي راشد.....
 

يمكن ان بعض عيالنا مايعرف من قائل هذا الشطر من الشعر

هذا الله يطول في اعماركم على طاعته الشاعر والفلكي والدليله والحكيم والشجاع والرجل الكريم /راشد الخلاوي . واختلفوا الرواه والنسابه في اصله منهم الي قال انه صلبي ومنهم الي رده فالهواجر وهذا عموما لاينتقص من الرجل شيئا لانه الخلاوى اسم اطلقه هو على نفسه لانه يعيش فالخلا ولعل الي قالوا انه صلبي يتكون على شطر من ابياته في قصة عنز الريم ( وصية صليبي (ن)....) وهذا ماهو الباب الي نبي ندخل معه

انا ودي اني اوصل معلومة للي مايعرفون عظمة هذا الرجل وبروزه في اكثر من جانب ولاشك اني ابي اجيب بعض الابيات له رحمه الله من باب الاستشهاد على حكمته وشاعريته

فقد كان علامه بالفلك بل انه كان يستخدم الشعر في وصف النجوم والطوالع مثل

[poem="font="Simplified Arabic,4,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا صارت الجـوزا أمـام لا كأنـها=فـوق الظبـا قد لاحنـهن لواحـي

فـالـزرع بيـن إفـلاتٍ وأخنـاق=واشتـد زنـد العامـل الفـلاحـي

[/poem]

وكان رحمه الله ذو حكمة ومن اقواله


[poem="font="Simplified Arabic,4,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
نعـد الليـالـي والليـالـي تعدنـا=العمـر يفنـا والليـالـي بـزايـد

قولـوا لبيت الفقـر لا يامـن الغنـا=وبيت الغنـا لا يامـن الفقـر عايـد

ولا يامـن المظهـود جمـعٍ يعـزه=ولا يامن الجمـع العزيـز الضهايـد

ووادٍ جرى لا بد يجـري من الحيـا=ان ما جرى عامة جرى عـام عايـد

من عـود العيـن المنـام تعـودت=ومن عود العيـن المسـاري تعـاود

ويا طول ما وسدت راسـي كـداده=من خوفتـي يعتـاد ليـن الوسايـد

ومن عود القـوم المناعيـر مطمـع=تلـوه بالأنضـا والجيـاد العدايـد

ومن عود الصبيـان ضـربٍ بالقنـا=نـادوه بـاللقـوات يابـا العـوايـد

و من كثر الطلعـات للصيـد ربمـا=يوافيـه مـراتٍ يجـي منه صايـد

[/poem]

وكان ايضا رحمه الله دليله اي عارفه بالطرق الصحراويه ووصف يقول يوصف مكان دفن بندقه لابنه
[poem="font="Simplified Arabic,4,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عن طلعة الجـودي مواقيـم روحـه=وعنـها شمـالٍ للنســور مغيـب[/poem][poem="font="Simplified Arabic,4,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

عنها مهب الهيـف رجعـه وفيضـه=وحـراريٍ كـان الـدليـل نجيـب

خيار الدلايـل طلحـةٍ فـوق جالهـا=خيمـة شريـفٍ في مـراح غريـب

[/poem]

ولعل العنوان محفوظ من حقوقه وهي ابيات فالحكمة والتنسيب يقول فيها


[poem="font="Simplified Arabic,4,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يقول الخلاوي والخلاوي راشد=بالقيل اغالي مثل غالي الجلايب[/poem][poem="font="Simplified Arabic,4,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
من مبلغ الصبيان عني نصيحه=من حاضر منهم ومن كان غايب
من لا يحوش المرجله فى شبابه=ماعاد يدركها الى صار شايب
ومن خاب فى أول صباه من الثنا=فهو لازم فى تالي العمر خايب
كما مورد ظاميه والقيظ قد صفا=على بارق الثريا هبيل النشايب
ومن لا ورد عد تطامى جمامه=عليه الادلا والدروب الديادب
لكن مراديم الضيا فوق جاله=على معطن الما مكعبات المحالب
سارواإلى ملك الربيعي محمد=وهو خير من تافد عليه الركايب
من أول جنح اليل ما علقت به=شريق الضحى عند المخاض الكواعب
خفاجيه واسرارها عامريه=وجا طيب الانساب من كل جانب
عن الشين أبعد من سهيل عن الثرى=وللجود أقرب من جبين لحاجب
ونفس إلى حدثتها أريحيه=شيطانها عند المروات غايب
أبو كلمة وإن قالها ما تغيرت=كنك على ما قال بالخمس قاضب
أجي له ويعطيني عطايا كثيره=وليس لمن لايعطي الله راغب
سخا بالعضيبا جروة حضرميه=أطارف بنا نيها من الدم خاضب
ترى ثوب راعيها شلوح وحبلها=كثير العقد من كثر ماهي تجاذب
إلى روح القناص بثنتين روحت=بخمس تخاميس عداد لحاسب
لكن قرون الصيد من حول بيته=هشيم الغضا داناه للنار حاطب
وياليت منيع فارس الخيل باللقا=على جازع البطحا يمين المشاعب
يشوف ذي مع ذي وهاذيك عند ذي=كما الودع داني بينهن نظم كاعب
ومن البجح بي والعصا قد خضبتها=وقد رحت ظني من شقاهن تاعب
وبقيت كني حاوي لي مدينه=عليها الدول فوق الدروب المها يب
جلوس على بيبانها حافظينها=من الترك حشد يفتلون الشوارب
وصلوا على خير البرايا محمد=عد المطر واعداد ذاري الهبايب
[/poem]

لذلك مالي الا اقول (الله يرحمك ياراشد)

لانه مات وترك لنا تاريخ وادب وعلم ووصايا لن ينسينا اياها عبث العابثين

رد: يقول الخلاوي والخلاوي راشد.....
 

رد: يقول الخلاوي والخلاوي راشد.....
 

أنت اللي راشد يا مطفي
يعطيك العافية

رد: يقول الخلاوي والخلاوي راشد.....
 

بارك الله فيك أخوي ، والخلاوي علم شِعري وهامه فكريه تستحق الاحترام وقد لفتني ما أشرت إليه عن نسبه وتذكّرت نقاش في هذا وبالبحث وجدت له العديد من النصوص التي تأتي على ذلك وعلى عدد من الأغراض التي تفضّلت بإيرادها ومن تلك النصوص (( نقلاً )) : ــ

[[/CENTER]

ويروي في قصيدة أخرى قصّة تركه لديرته وموقفه وشهامته في نُصرة جاره مُضمّنها بعض الحكم حيث يقول : ــ




وأشعاره في الحكمه والفلك كثيره آتي عليها فيما بعد بمشيئة الله أو يأتي عليها أحد الأخوان

Re: رد: يقول الخلاوي والخلاوي راشد.....
 

البرفسور

ماسوينا شيئ جبنالكم شيئ من الي سبقونا

ويستاهل راشد

مشكور وماقصرت

Re: رد: يقول الخلاوي والخلاوي راشد.....
 

بن سلمان

وانت رشيد يابن سلمان

بس لاتدعي عليه ترى عندي كرسترور والعافيه يزيده ادع بغيره عساك تسلم

مشكوووووووووور

Re: رد: يقول الخلاوي والخلاوي راشد.....
 

رد: Re: رد: يقول الخلاوي والخلاوي راشد.....
 

أفا لايكون تجاوزنا ياطويل العمر ، وترى كل هذا الإندفاع ناتج عن قناعه بجمال الموضوع 000 موفق

رد: يقول الخلاوي والخلاوي راشد.....
 

مطفي النور

موضوع جميل يستحق المرور والوقوف عليه مرارا

شكرا لك


النادر

Re: رد: Re: رد: يقول الخلاوي والخلاوي راشد.....
 

لا لا مافالخاطر شي على قولت القايل (الله لايجيب الزعل بيني وبينك)

بس شفتك تعرف كثير عن راشد الله يرحمة قلت يمكن انك تفيدهم اكثر مني

وابشرك البهم لقيت ضرمته مغلقه وحشيت له شوي حشيش وجيتكم