منتديات بلاد ثمالة - عسى لك في جنان الخلد منزل جوار المصطفى اللي خير هادي

منتديات بلاد ثمالة (http://www.thomala.com/vb/index.php)

- واحة شعراء المنتدى (http://www.thomala.com/vb/forumdisplay.php?f=14)

عسى لك في جنان الخلد منزل جوار المصطفى اللي خير هادي

[poem="font="Arabic Transparent,5,black,bold,normal" bkcolor="skyblue" bkimage="images/backgrounds/1.gif" border="groove,5,darkblue" type=1 line=1 align=center use=ex num="0,black""]
الا يالله يامنشي المخايل=عليك فكل الاحوال اعتمادي
الا يا مرسي اجبالٍ رواسي=الا يارافع السبع الشدادي
رجاية فيك لاتقطع رجاية= ليا قل الرجا بين العبادي
انا طالبك تجبر كسر قلبي=ترى الكسر متعمق ومتمادي
الا ليت الكسر في عظم ساقي=بعظم الساق ماهو بالفوادي
لعل العظم تجبره الجباير=لكن القلب كسرة ما يعادي
وانا باخذ لي ايام وليالي =وعيني ما تهنت بالرقادي
بعد يابوي وافتك المنية=ضحى الاثنين شديت الشدادي
وانا ادري ماكتبه الله نافذ=لو انك سد مربوع الحدادي
عسى لك في جنان الخلد منزل=جوار المصطفى اللي خير هادي
وانا لي رب ما ينصك بابه=يحل الكرب ويجيب المنادي
يساعدني على جور الزماني=ويحميني من اشرور الاعادي
بدولي من يمين ومن شمالي=وحطوني تحت خشم الزنادي
وهذي عادت الدنيا واهلها=مغير نجاهد الدنيا جهادي
ولاحد عاش فالدنيا منعم=ولا حتى سلاطين البلادي
نسايرها لنا ولا علينا=وننهج نهج بيضان الايادي
وراعي الطيب يلقى الطيب منا=وراعي الدين يبشر بالسدادي
ولو ان الظروف مقيدتنا=لكن الله حلال القيادي
الا يابو محمد شد حيلك=وناج الله في وقت الهجادي
ولا تشكي على مخلوق ما بك=ترى الشكوى على محيي الجمادي
وصلى الله على خير البرية=نبيٍ قاد الامة للرشادي
[/poem]

Re: عسى لك في جنان الخلد منزل جوار المصطفى اللي خير هادي