ابشرو بها....ابشرو بها (صناع المجد)
 

كانت بيضة الديك امس وابشركم اليوم لقيت عنده بيضه وقلت ابشركم بهاااااا
عاد اتمنى اني اسمعها في حفل تكريم صناع المجد وانا جالس بين الحظور

[POEM="font="Simplified Arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

لعيون صناع مجد الغد باغني=واعطر اسماع روس القوم واطربها
الشعر ماهو بصنعه لي ولافني=مطيةٍ كل يوم ابليس مشعبها
جتني همل سايبه يستاقها جني=قلت اكسب الاجر فيها يوم أضرِّبها
عرضتها للفحول الي على ضني=والحمد لله نجايب فكر وانجبها
جتني وانا مطفي انواري وانا كني=اهملج العين للمرقاد واجذبها
فالبير كم واحدٍ قد قرقع الشني=ماجاب غير النثيل وحاس مشربها
ياشبل ارخي سموعك واخذها عني=صناعة المجد ماكلٍ يداعبها
يافخر جدك صروح المجد قم بني=جدك يفاخر بك انداده ويهزبها
جدك كسبها شمام بنهجه السني=اسس علوم اللغه والوقت كاتبها
وقاد الجيوش لفتوحٍ صيتها طني=مشارق الارض تفتح بعد مغربها
واليوم دورك واضنك مانت غابني=نفسك على المجد كاربها وحاضبها
شفني على ابواب مجدك واقف ممني=نفسي بمجدك واراقبها واقربها
[/POEM]

رد: ابشرو بها....ابشرو بها (صناع المجد)
 

رد: ابشرو بها....ابشرو بها (صناع المجد)
 

واش ذا الزين أيها المطفي..

تعرف الحفل..سيقام في قاعة..وأخاف تحصل مشكلة وينطفي النور!!

لكن ودي تحول القصيدة ردحة..وتجعلها في حفل المعايدة ..وتصير الفرحة فرحتين..

رد: ابشرو بها....ابشرو بها (صناع المجد)
 

صح لسانك

رد: ابشرو بها....ابشرو بها (صناع المجد)
 

بيضه من ذهب

صح لسانك وياليت يبيض هالديك كل يوم دام بيضه ثمين


النادر

Re: ابشرو بها....ابشرو بها (صناع المجد)
 

سنا الهجره

تعرف وانا اخوك انا ماحب الظهور ولا البطون قلت اذا كان ولينك يارفيقي تبي تقراها ابنبسط ومادام عيتوا عساها خيره

ابو عبدالرحمن
بغيت اردح لكم لكني خفت تنقدون عليه مثل مشاركتي الاوله حذفت وهي ردحه قلت ياولد سو زي الناس وادع على راسك بالسلامه

حسن حامد

صح بدنك

النادر

اخاف انك شفت المحه تحسب انها ذهب ...بيض الله وجهك على الكلام الثمين

شكراااااً للجميع

رد: ابشرو بها....ابشرو بها (صناع المجد)