أنا وصلت الباب وباطرق الباب =يا عل سد الباب أحصل معازيب
مدور ٍ للزاد مع ناس غباب= كما مدور سمن فالفطر الشيب
حظي رماني في يدي كل نصاب =وهذي من المولى عليه مكاتيب
اللي يسيس الخيل ما هو بركاب = ولا هو بداري ويش عوج العراقيب
الأرض ما ضاقت باهلها والاجناب = ضاقت صدور رجال ما تحمل الطيب
عيبٍ عليه اجهل بعد عارضي شاب =وعيب امدح اللي في جنوبه عذاريب
يا طالبين العلم للعلم طلاب = روح خطيفه عند شهب المخاليب
اللي تخطفه والمداوير غياب = وفي غيبت الراعي تعشابك الذيب
بين الجدي وسهيل يوم القمر غاب = وانته تخطط تبدي الشمس وتغيب
كذبت لك صادق وصدقت كذاب = من ضعف عقلك يا قليل التجاريب
دن الحطب ويجيك للنار شباب = يشبها وتشوف شهب المشاهيب
السيف ما هو فاس مع كل حطاب = السيف بيديه عطيب المضاريب
الموت واحد والتفكر فالاسباب = وقدام حد السيف خضر المشاعيب
تاديب والتاديب تعزير وعقاب = ياعل قبل السيف تصفي المشاريب
ولا تستعير الاسم يااعز الاصحاب =ما يستعيره إلا حسين التعاجيب
ان كنت راعي مال وللمال كساب = اصرف من اللي تملكه داخل الجيب
وان كنت فقري لا تعرض للانشاب = اخذ الطريق اللي سريع المهاذيب
وان قلت طابت قلت طاب السمر طاب = بشرط واحد لا تناديني ولا اجيب

صح لسانك يا بو فهد
أنت وصلت محلك وكلنا هنا ضيوف عندك

صح لسااانك
وبيض الله وجهك
البيت بيتك يابوفهد،،،،

صح لسانك يابو مساعد
الدار دارك وحنا ضيوفك ..

الاخ المشرف
بعد التحيه

بعد تنسيق القصيدة انحذف احرف من كلمة امل التعديل

((( ما يستعيره الا حسين التعاجيب )))

وسلمت