منتديات بلاد ثمالة - دفيدوف مارلبورو ميرت كل شيء موجود

besmallah:
salam:
دفيدوف مارلبورو ميرت كل شيء موجود

انا ابي اتكلم عن ظاهره منتشره هاليومين الا وهي التدخين لان فيه بعض الناس فاهمين كلمة تدخين غلط !!

يعني ذاك اليومراكب مع واحد من العيال خبري به مايدخن .. ركبت معه وقعدنا نتمشى الا شوي الولد طلع البكت وشب الزقاره وقام يدخن .. انا ناظرته وقلتله يا ابو فلان من متى وانت تدخن.. قال الهموم زادة علي والتفكير ذبحني وزي منت عارف زواجي بعد 3 شهور وتعرف الحريم وبثارتهم وزنتهم على الراس .. قلتله يابو فلان انت اللحين عمرك تعدا 26 وتقول هالكلام وانا اذكرك من اشد المعارضين للتدخين وش اللي غيرك .. قالي خلها على ربك بلوه وابتلينا فيها ..

::

اللحين صحيح ان أي واحد يبي يتزوج والا زاد عليه التفكير يقوم يلجاء للتدخين .. انا بس ابي اعرف من مفهمك هالمعلومة .. اذكر اول ايام المدرسه والجامعه ان العيال اذا جت وقت الاختبارات تلقاهم حرق بهالزقاير وان سالتهم وراكم تدخنون بشراهه قالوا زيادة الهم والتفكير) الله اكبر يالهم ).. اللحين انت ياللي تدخن وإلا اللي توك طايح فيه تبي تقنعني ان التدخين يساعدك في التفكير والله لوهو بنزين وعقولكم مواتر ..

::

واذكر مره طالع من صلاة العصر متجه لبيتنا مروراً(بس كيف كلمة مروراً) ببراحة جنب المسجد الا والقى ثنين من الوراعين جالسين ورا الجدار واسمعهم يتهامسون طليت عليهم وقعدت اسمع واتفرج عليهم .. الا الاول يقول للثاني هاه وش رايك يا محمد ارتحت صح .. والثاني يقول يووووووووه مرره وينك عني من زمان .. واقوم واداهمهم وامسك واحد منهم والثاني حط رجله .. يوم قلتله وش اللي انت قاعد تسويه .. قالي تكفى تكفى لا تعلم علي .. قلت يعني تدري ان اللي انت تسويه خطا .. قال ايه ادري بس لا تعلم ابوي والله انه اذا درا ليقطع العقال على ظهري .. قلتله خلك علشان ماعاد تدخن قالي خلاص خلاص والله معد اكررها .. قلت طيب من اللي علمك على التدخين .. قال الطلاب معي في المدرسه كلهم يدخنون ويقولون اللي ما يدخن ماهو رجال ..

::

وقفة بسيطه مع كلمة هالورع .. هل صحيح ان اللي يدخنون كلهم رجال واللي ما يدخنون ماهم رجال من اللي مفهمكم هالمعلومة والله يا انتم يالسعوديين تفكيركم عجيب:confused: