|
سلام من جوي
سلام من جوي وجوي في السماء قاعد يحوم =مادام جوي في السماء ماهمه اللي في الصعيد
الله يديم الستر والعالم تسترها الهدوم=يقولها جوي ولقياكم معانا يوم عيد |
رد: سلام من جوي
يالربع الصفوف تعبوا قاعدين يغنون البيت مافيه شاعر يرد
|
رد: سلام من جوي
جوي
من قبل وانا ودي بك ولاجات الفرصه والليله جابك الحظ في الحزم البراح استتلم طال عمرك يامرحبا رحب الوفا الي لن سمعته ماتقوم=مدري تهيد اليا ربطك القيد ولامانهيد جوي سما وليا احتما يبدي على جوك غيوم=وقتك قصّير مير ود رسالتك ساع البريد |
رد: سلام من جوي
أنا أعرف انك يالحشيشي من قوين العزوم =لاكن لو بهجم عليكم يوم ظليتم شريد
أرسم على اللوحات للي مايعرفوني رسوم=وأنا عنيد الراس لامنه طلع خصمي عنيد |
رد: سلام من جوي
تراك كوم اليابغيت الصدق والمقصود كوم=واللي تلاويهم سموم القيض ينوون الشديد
ياعود فطرافه مية مسمار مايلحقك لوم=مجهول لافايد بمعروفك ولاانته مستفيد |
رد: سلام من جوي
ماهمني النافر ولا الرايم بعد جاني يروم =لاعادك الله يالنكد لاجيت في اليوم النكيد
أنته سوات النافعيه اللي حصل فيها ثلوم=يبغيلها حداد والحداد يعرف للحديد |
رد: سلام من جوي
الموت يقضم فالرجال الطيبين وفالرخوم=والطيب الله يرحمه واللاش ماقلنا شهيد
البحر اله عوام للغبه وغيره مايعوم=من دونها تشرق وتغرق وازهودك يالزهيد |
رد: سلام من جوي
الله الله هب هب هب هههههههههههههههه
أنا أحمدالله في السماء دايم عنواني نجوم=والموت في العالم تمشي به على حبل الوريد أنته تصيح مير صوتك ماطلع وانت امغموم=حلال هذا الحال في مثلك ياملعون الكديد وتراني بعدها بطير ماني يمك لاعاد تدورني .... |
رد: سلام من جوي
صح لسانك وفكرك
ولنا لقاء يالجو الصافي هههههههههههه |
رد: سلام من جوي
ماشاء الله تبارك الله محاوره جيده والبدعه ماهي سهله من جوي
ورد جميل من ابو فهد الحشيشي |
| الساعة الآن 06:30 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by