منتديات بلاد ثمالة

منتديات بلاد ثمالة (http://www.thomala.com/vb/index.php)
-   منتدى الاستراحـة (http://www.thomala.com/vb/forumdisplay.php?f=10)
-   -   كيف تصبح مثقفا!! (http://www.thomala.com/vb/showthread.php?t=70893)

أبو رامز 03-03-2011 08:46 PM

كيف تصبح مثقفا!!
 
اتبع النقاط التالية وانضم لعالم المثقفين
1 - البس غترة وامحط اللحية والشنب .



2 - اذا سألك أحد من تسمع له قل لفيروز وشاديه حتى لو انك ماتسمع الا لمزعل وسعد جمعة .
3 - اذا قالوا لك من شاعرك المفضل قل محمود درويش و ادونيس حتى لو انك ماتقرأ إلا لضيدان بن قضعان
وسعد بن جدلان .

4 - ابتعد عن المباشرة في الكلام واعمد الى " التفعيط " و " التمطيط " وبدل ماتقول "في البداية " قل : " بادئ ذي بدء " وبدل ماتقول "وهذا يدل على " قل : " وهذا إن دل فإنما يدل على " ... لاتقعد تقول صعبة ومشوار ومدري إيش
لازم تصبر وتتحمل ...ترى الثقافة مهيب سهلة !!!!..

5 - اذا كتبت مقالاً فلازم تطعمة ببعض الكلمات الرنانة واللي مالك غنى عنها مثل : "الراديكالية والإمبريالية والليبرالية
والديماغوجية والميكافيلية " ولاهوب لازم تحطها وانت تكتب المقال لا... إذا قضى الامر أبد لزهن فيه كلمة منا وكلمة مناك الين يقضن "" إن ماكتبت منهن شي تراك من جنبها في الثقافة لو تحفظ سبعميه ألف كتاب وتقرأ ثمانميه الف
موسوعة ""؛ وانتبة تقول : "الرأسماليه والأشتراكيه والقوميه " ترى ذي الكلمات حقت مثقفين منول .. اما الحين ماعاد يوكلن عيش.

6 - كثر من الكلمات اللي تنتهي بـ"قراطيه" مثل : " الديمو قراطيه . البيروقراطيه . الأرستقراطيه . الأوتو قراطيه . التيوقراطيه ". واذا انزنقت "فخربط" لك اي كلمه واختمها بـ " قراطيه " مثل " الخنبقراطيه.والخربوقراطيه"؛ ولا تخاف مافي احد يبي يسألك ويقول وش معنى ذا الكلمه عشان ماينكشف " جهله " ويدرون الناس انه مهوب مثقف

7 - خربط لك أي كلام بس بشرط انه يكون " مبهم " وغير مفهوم وأهم شي اكتب فوقه " شعر فلان بن فلان " عشان يعرفون " القراء " انه شعر حداثي .. لايحسبونه مقال والا روايه .

8 - انتبه انك تؤرخ بالهجري حتى لو كان هو تاريخ المسلمين ترى المثقفين مايؤرخون الا بالميلادي ويفضل بعد انك اذا كتبت قصيده حداثيه تكتب الشهر كتابه مهوب رقم زي كذا " حزيران 2007 " اما ذا الشهر حق مثقفين بقوه وينصح بعد انك تحط تحت التاريخ اي عاصمه اوربيه " لندن , جنيف , باريس " حتى لو انك كاتب القصيده في حريملاء والا شقراء.

9 - اذا جاء معك مقابله في التلفزيون " حش" في الشعر الشعبي وشرشحه حتى لو انك تحبه وقل انه شعر البسطاء والعامه و الدهماء وانه معول من معاول هدم اللغه ولابد من اعلان الحرب عليه دون هواده !!!
10 - اذا سألك احد وش الجرايد اللي تقراهن انتبه تقول له عكاظ والا الرياض !! عشان مايدري انك قروي , لا..
وقل الحياه والشرق الاوسط والاقتصاديه حتى لو انك مابعد شفتهن على الطبيعه ..بس لزوم الثقافه .
11 - اذا قال لك احد وش الاجواء اللي تجد فيها نفسك , لاتفضحنا وتقول اذا جلست مع اهلي والا اذا طلعت للبر والا اذا صرت اضبب !! لاياحبيبي , قل له انا تاسرني الليالي البيروتيه المقمره وخصوصا في فصل الخريف حتى لو انك ماتفرق بين الخريف و" المربعانيه ".

12 - حاول دايم انك تفلسف وتلف وتدور في كل شي وفي كل اجابه حتى لو ان الجواب حرفين خله عشره سطور وكثر من الكلمات اللي ماتفهمها عشان مايفهمونها الناس ويتأكدون بما لا يدع مجالا للشك انك من كبار المثقفين.

أستــــــــــاذه ملاك 03-03-2011 08:52 PM

رد: كيف تصبح مثقفا!!
 
8
8

الحمد لله ثقآفتنا أعلى من كذا ...
الله يعين اللي يطبق ذي الأشيآء ..* -^

مشكور ابو رامــــز

زهره 03-04-2011 09:07 PM

رد: كيف تصبح مثقفا!!
 


الحمد لله ماااني باايعه عمري اطبق هالاشيااااء
الله يعين الي يطبق ذي الاشياء على قوووول
استـــــــاذه ملاك .....مشكوووووووووووور

بنت أبوي 03-04-2011 09:45 PM

رد: كيف تصبح مثقفا!!
 
اصلا انا ثقافتي الي يبغى يتعلمها اصعب من كذا!!!!
يعطيك العافيه

ثماليه والعز ليه 03-05-2011 12:44 AM

رد: كيف تصبح مثقفا!!
 
ههههههههههه حلوووهـ ي بو رآمـز
فـآطسسسه ضحك
ذكرتني بـ نـآسسس الله مير يصلحهم هع

لآهنت على الموضوع الخونفشششـآري^^

روعه 03-05-2011 01:47 AM

رد: كيف تصبح مثقفا!!
 
يعطيك العافيه بو رآمـز



Kit kat 03-05-2011 02:43 PM

رد: كيف تصبح مثقفا!!
 

كل هالنقاط هين تطبيقها

بس ابتلشت بـ الأولى :confused:

أبو خولة 03-06-2011 09:21 AM

رد: كيف تصبح مثقفا!!
 
هههههههههههه
جاري تطبيق جميع النقاط عدا الأولى..!!

موضوعكـ فيكوهـ قراااطي
يجمع الراديكالية مع الديماغوجية والميكافيلية
ليس لدي وقت كافي وإلا قمنا بتطبيق
جميع البنود..!
كيف أنا معكـ
يا أبا رامز
مثقف ولا من جنبها..!
,,,,

أبو رامز 03-06-2011 07:23 PM

رد: كيف تصبح مثقفا!!
 
اقتباس:

المشاركة الأصلية كتبت بواسطة أستــــــــــاذه ملاك (المشاركة 518607)
8
8

الحمد لله ثقآفتنا أعلى من كذا ...
الله يعين اللي يطبق ذي الأشيآء ..* -^

مشكور ابو رامــــز

اقتباس:

المشاركة الأصلية كتبت بواسطة زهره (المشاركة 518805)


الحمد لله ماااني باايعه عمري اطبق هالاشيااااء
الله يعين الي يطبق ذي الاشياء على قوووول
استـــــــاذه ملاك .....مشكوووووووووووور

اقتباس:

المشاركة الأصلية كتبت بواسطة بنت أبوي (المشاركة 518809)
اصلا انا ثقافتي الي يبغى يتعلمها اصعب من كذا!!!!
يعطيك العافيه

اقتباس:

المشاركة الأصلية كتبت بواسطة ثماليه والعز ليه (المشاركة 518838)
ههههههههههه حلوووهـ ي بو رآمـز
فـآطسسسه ضحك
ذكرتني بـ نـآسسس الله مير يصلحهم هع

لآهنت على الموضوع الخونفشششـآري^^

اقتباس:

المشاركة الأصلية كتبت بواسطة روعه (المشاركة 518850)
يعطيك العافيه بو رآمـز



اقتباس:

المشاركة الأصلية كتبت بواسطة Kit kat (المشاركة 518889)

كل هالنقاط هين تطبيقها

بس ابتلشت بـ الأولى :confused:

يعطيكم العاااااااافية
مقدرين مروركم جميعا

أبو رامز 03-06-2011 07:31 PM

رد: كيف تصبح مثقفا!!
 
اقتباس:

المشاركة الأصلية كتبت بواسطة أبو خولة (المشاركة 519047)
هههههههههههه
جاري تطبيق جميع النقاط عدا الأولى..!!

موضوعكـ فيكوهـ قراااطي
يجمع الراديكالية مع الديماغوجية والميكافيلية
ليس لدي وقت كافي وإلا قمنا بتطبيق
جميع البنود..!
كيف أنا معكـ
يا أبا رامز
مثقف ولا من جنبها..!
,,,,

ماني معك وانا معك
هههههههههههههههه
ما تحتاج وقت!!
يسلمووووووووووو على المرور ابو خولة


الساعة الآن 12:06 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by