|
صَـــفـْحـَــهـ أخِـيــرَهـ
صَـــفـْحـَــهـ أخِـيــرَهـ تــــدري .. ويش اكبر خطانا بهالحياة؟. إننا .. نبني الأمل فوق السراب. واننا .. نزرع على ارض الأمنيات. واننا .. نخفي ورى البسمة عذاب. وان .. كل اللي مضى من مغريات. سيلها ما بل ريق ولا لعاب. وارتمى حلم التلاقي بالشتات !!. واندفن شاطي المحبه بالتراب !!. وانكوى قلب الهوى .. والوصل مات. وانتهى وقت التسامح والعتاب واكتشفنا .. بعد ما فات الفوات. إن في وجه الأمل .. مليون باب. واصطدم بوح المشاعر بالشفاة. وانطفى نور الأمل فيها وخاب. واصبح الحاضر .. عجاج الذكريات. وانظوت صفحه أخيره من كتاب. وابتدا نزف المشاعر .. من سكات. واستوى الماضي لطعنات الحراب. واستمرينا .. السنين المجدبات. ننتظر جدب التلاقي .. يستتاب. في خفوق(ن) .. فيه من نبع الفرات. كان ثلج .. ومن لهيب الهجر ذاب. وبعد فات الفوت .. هذا الصوت بات. يشتكي حالات تأثير انسحاب. لين جات اوهامنا اللي مسرجات. ماتخاف من الصعاب وﻻ تهاب. من ضوار الجوع .. يغريها الفتات. والفتات ان بات .. بافمام الكلاب. حلم هذيك الليالى المخملات. شاب .. لكن لا كيف ؟ .. مدري كيف شاب.!!!!! |
رد: صَـــفـْحـَــهـ أخِـــرَهـ
يعطيك العآآآآفيه مبدع في جميع حالاتك |
رد: صَـــفـْحـَــهـ أخِـــرَهـ
صح بوحك يا تحت الصفر
|
Re: صَـــفـْحـَــهـ أخِـــرَهـ
إبداع يا مُبْدِع بوووح جميييل ورااائع يالأزرقاني... لا تخلينا مُر علينا كثير واطرح لنا من هالإبداااع ينقص بعض الكلمات بعض النقاط نأمل من المشرفين تعديلها ولا تكتب بغرفة مظلمة..! ,,, |
رد: صَـــفـْحـَــهـ أخِـــرَهـ
مبدع دوووما تحت الصفر .. لقلمك كارزيما خاصة لايستطيع إتقانها الا من هم في مثل فنك البديع ،، اسجل إعجابي بما كتبت وكلمة ابدااااااع في حقك قليل ،، شكرًا لك على هذه الألحان الشجيه فحقا افتقدنا لكتاباتك وسعدنا بعودتك من جديد ،، ننتظر القادم ومايحمله من رواائع،، تحيتي*
|
Re: رد: صَـــفـْحـَــهـ أخِـــرَهـ
اقتباس:
الله يعآآآآفيك يا حسن بن حامد وما عليك زود ياطويل العمر |
Re: رد: صَـــفـْحـَــهـ أخِـــرَهـ
اقتباس:
صحيت يابو عبدالرحمن ونورت يا طويل العمر |
Re: صَـــفـْحـَــهـ أخِـــرَهـ
اقتباس:
شكراً لك هذا الثناء وشكراً لك على ملاحظاتك أما حكياية الأزرقاني ههههههه هذي لها جواب ثاني !!!! :lol: بس ما بقولة :lol: وترى الكتابة في الظلام هذي تخصص عندي وش أسوي لكن البركة في المشرفين يعدلون ما سقط في الظلمة بدون أمر عليهم |
Re: رد: صَـــفـْحـَــهـ أخِـــرَهـ
اقتباس:
وش أقول بس اللي مثلي لا يملك المقدرة على الرد على مثل هذا الإطراء بهذا الاسلوب الفريد كل اللي أقدر أقوله ان لمرورك كـ مشرفة لهذا القسم و كـ متذوقة للشعر طابع مختلف لا يتقنه الا أنت!!! شكراً لـ هذا المرور الراقي |
رد: صَـــفـْحـَــهـ أخِـيــرَهـ
ماشاء الله تبارك الله قمة في الرووعـــــــــــة دام عطاء قلمك الجذاب يسعدك ربي ؛؛؛ |
| الساعة الآن 03:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by