|
كـَــرْتْ مـحْــروق
هو شوق ؟ لا بالله ماعاد هو شوق هذا نَهَرْ جاري .. ! والاشوق شُرَّاعْ. يشدَّها جَذْبْ القمر لو هدت .. فوق. وتردها .. بعض المحاذير .. للقاع ننساق في هذا الزمن للوفا سوق وتردنا .. عادات .. واعراف .. واطباع. بين الامل والياس قوس الحيا طوق عمن شعاع الوِدْ .. من خدها شاع. دايم لها في داخلي غيوم وبروق .. تمطر غلا .. يعشب به القلب في ساع. تقديرها في ناظري غير مسبوق في عين عاشقها من اسنين منصاع. يا من يرد من المعاليق مسروق في حين غفله .. خافقي داخلي ضاع أقفا به اللي ضامر القَدْ ممشوق أبو نحر براق يلمع .. تِلِمَّاعْ كاسيه ليل اسود .. مدرج ومفتوق. على الجبين يدوج عاصي ومطواع. داير على الخدين .. برواز مطبوق حاير على الكتفين .. من فوقها ناع. شلال ليل ومال .. من خلف مفهوق حتى حدود الورك .. والورك مناع. قام ايتثنى .. كنه الطيب محروق دخان عود يموج .. في لحظة اقلاع. والبطن . . ضامر .. منسجم .. حيل مطروق. وان زم فوق وتحت .. بان التوساع. مثل الهرم مقلوب .. في قمة الذوق. قابل مثيله .. وانحنت فيه اضلاع. فيه الزوايا قوس حاق اللحم حوق قمة تناسق جسم .. الى حد الاشباع. عيبه .. يبي يلعب . على كرت محروق حتى حرق روح التفاهم والاقناع ما باع .. لكن ما شري .. باقني بوق خذ كل ما يبغى من اشكال وانواع واقفى .. وكن الصدر من فوق مشقوق من كثر ما .. للآآآآآآآآآآآآهـ مدخل ومطلاع الله يسهل له من الخلق مصفوق. يجعل عليه من الشقى .. شَدْ وشراع حتى يعرف ان الجفى آلم فتوق ويذوق .. من ضرس .. الندم عض الاصباع. |
رد: كـَــرْتْ مـحْــروق
الله يبرد قلبك ياشيخ بردت قلبي وارويتنا من عذب حروفك
|
رد: كـَــرْتْ مـحْــروق
تسلم يمينك صح بوحك ودام قلمك رائعة استمتعت بقراءتها لاكثر من مرة يعطيك العافية |
رد: كـَــرْتْ مـحْــروق
جميلة جدا يسلم
رآسك يا مبدع |
Re: رد: كـَــرْتْ مـحْــروق
اقتباس:
عساك دايم بارد القلب راوي نورت أواسعدني تواجدك يا حسن |
رد: كـَــرْتْ مـحْــروق
اقتباس:
روووعــــــــــــــــــه .. لا جـديد سوى تجدد الإبــدآع تتـفرد كلماتك بأسلوب ممــيز لا يستطيع اتقانه الا من هم في شـآعرية تحت الصفر .. اطربتنـــآ بهذه اللوحــة الفنية المتمـيزة بالحس الأدبــــي .. كل الشكر لك.. ننتظر القــآدم ومايحمله من إبــدآع تحيتي |
رد: كـَــرْتْ مـحْــروق
صح لسانك يا تحت الصفر .. ما شاء لله عليك > ما خليت ولا بقيت وتفننت بشعر الوصف حتى أصبحت من رواده في هذ القسم |
Re: رد: كـَــرْتْ مـحْــروق
اقتباس:
يسعدني جداً أنها راقت لك ونالت استحسانك يا سمو الروح سلمك الله من كل سوء وصح بدنك |
Re: رد: كـَــرْتْ مـحْــروق
اقتباس:
الأجمل تواجدك يا واثق الخطوة تسلم كلك يا ملك |
رد: كـَــرْتْ مـحْــروق
مشكووووووووووووووووووووووور
|
| الساعة الآن 12:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by