تيسك يا رويعي الغنم
 

بفضل الله ثم بفضل يقضتي وجميل ابو تركي تم تحديد موقع تيس الرويعي في شعيب ما هو غريب عني وصخورة وشجاريه مالوفة :


http://snous4u.jeeran.com/rs_04.jpg

وشوهد همر احمر اللون ويقودة البرشلوني وجنبه بن عزاب حول الموقع , والعالم الله ان الطلي في في بطن القدر وعلى النار والعالم الله اذا كان لهم شركاء :

http://walah2.jeeran.com/20022003-E.jpg

وما يضيع حق ووراه مطالب يا رويعي
شوف كمرتي اللي بياكلها الدود

رد : تيسك يا رويعي الغنم
 

تكفى يابن سلمان مدني النيمس
هذا وعل ماهو تيس

رد : تيسك يا رويعي الغنم
 

لا تبرق في علمي يا بن داخل
لا تشككني انك ثالثهم

رد : تيسك يا رويعي الغنم
 

عشت يا بن سلمان
وعلى الحراميه هشت
كبيرة عليك يا بن عزاب
الحين عرفنا من هو حرامي الديرة اللي ما يخلي غنم
لا وابو همرات البرشلوني شريكك
وين اقزوز عنهم ؟

رد : تيسك يا رويعي الغنم
 

يا حافظ يا عقايل الله
وبيض الله وجهك يبن سلمان , شهم وابن شهم
هذا تيس ولا هو التيس
التيس اللي عزب البارح تيس أجم , يعني ما معه قرون , واللي في الصورة يتمجعص بقرونه.
وان بغيت الحقيقه التيس اللي جبت صورته هو تيسي ومسروق من الحضيره قبل أسابيع من بين زملاه التيوس واشك أن حسن بن عابد والبرشلوني ما هم نظاف لأن من هواياتهم أقتناء التيوس النادره ..
أما الفقيدان (الطلي والتيس) العازبان ليلة البارحة فقد تقدمت اليوم ببلاغ عن فقدانهما للحكومه ,, وسألوني فيما أذا كنت أشك في أحد ما ؟؟.
فأجبتهم بأن لي شكوك كبيره في شاعر من شعار جلان الفير وشاعر من المشالحة بيته من حجر وجاره وصديقه الذي ليس بشاعر ولكنه عاير يقاعر ..

رد : تيسك يا رويعي الغنم
 

يارويعي الغنم
جدي ينتظر مقناصك
لا يسحبك عند الحكومة

رد : تيسك يا رويعي الغنم
 

قسم بالله ما شفت هذا التيس الا هلحين والله ما نشته ولا هشته ولا اعلم من سرقه عانوها يمين جزميه ما حقه للمال والذريه ، حسبي الله عليك يا ولد عباد تبي تبتليني بالسرقه ياللي ما تخاف الله ياناس اشهدوا على هذا الولد اللي ما يهرج ويرفع صوته الا ليا راح الرياض ولا في الطائف يتودد لي ويسوي نفسه المخلص اللي ما له مثيل .
يا رويعي تراني داخل على الله ثم عليك عن الشكه والمضنه اللي تخرب الصداقه والعيش والملح اللي بينا ، هذا عذر سمين ويتلاه يمين ما حفته ولا شفته ولا جيته من قدام ولا من وراه .
يا ثماله ابراء من ما قالوا تعرفوني من كباركم ولا عرفت عني الزلاه لا في اول زماني ولا هلحين مير الدنيا ظهر عليها .

رد : تيسك يا رويعي الغنم
 

افهق افهق
كبير من يا بن عزاب ؟
كبير علي واخوانه , وغيرها عليها الشحم
رجعت على طير ياللي , رجعت تبي الخماسة
خلوكم من بن عزاب واسالوا برشلوني اللي عاد في الطائف كلها ما احد معه همر الا هو وهو يعلم بخوياه الاثنين اللي معه , واحد مني وعن حقه انه بن عزاب والثاني ما ني مدخله في ذمتي .

رد : تيسك يا رويعي الغنم
 

صراحه كفو يبن سلمان

بس ماقدرت تقرب الصوره من الهمر يمكن نعرف السواق ومساعده ووقتها مايقدرون يقولون لا

رويعي شد حيلك ولا يكلون التيس بن سلمان يقول شاف قدر على النار مدري لايكون تعشوه ولا تغدوه تاكد ولا يضيع حق وراه مطالب

رد : تيسك يا رويعي الغنم
 

لن جيتوا للحق بن عزاب رحيم ومن عضام الرقبه لكنه ماهو بعيد من العلم ويسويها لالالا يسويها مافيها كلام
بس عاد التيس اللى في الصوره تحديدا والله اني اشك انه تيس
لن ماخاب ضني والله العالم ولا ياثمني انه (( بسم الله الرحمن الرحيم )) من المخلوقات المجاوره لكم في الاض متصور على هيئة تيس وبكره يطلع بصورة حمار منقاش وبعدها والله يكفينا الشر لايعود يتصور بصورة منقاش نفسه
يابن سلمان لاتحرش بنفسك مع الجن الله يكفينا شرها وتعود تدور بن داخل يقرا عليك