منتديات بلاد ثمالة - عمدة المسفلة ..وشيخ جيـــــاد (الجبرتي والمسعودي) ..

منتديات بلاد ثمالة (http://www.thomala.com/vb/index.php)

- منتدى المحاورات الشعرية (http://www.thomala.com/vb/forumdisplay.php?f=39)

عمدة المسفلة ..وشيخ جيـــــاد (الجبرتي والمسعودي) ..

بسم الله الرحمن الرحيم

محاورة بين المسعودي والجبرتي معناها يدور حول عدم زواج المسعودي وهو بهذا السن والمعاني واضحة اذا عرف توجهها
وكلها ضرب ..ورُكب ..ولُكم
ولن أزيد على ما قلت ..

المسعودي

بعد جينا نسلـم وقلنـا لكـم ياجـواد= عليكم سـلام الله وعفـوه وغفرانـه

ابا شب في عود المراخي وعود الكاد= بنـار(ن) تشـب وكـل عـود بدخانـه
الــــجــــبــــرتـــــي
ولابد من طرقه ولا بد من مجراد= ومن طق عيدان العرب طق عيدانه
ولا ياولد يالشاعر اللي من الاولاد = تلبس حذيي الناس ويكب حذيانـه
الــــمــــســــعـــــودي
قليل الاوانـي يكبـس البـن فالبـراد = ومن زال عقله يلحس الموس بلسانـه
ورى ماغطيت القدر عن مشتهين الزاد = وهذا جزا مـن فـك بابـه ودكانـه
الــــجــــبــــرتـــــي
انا لو ابى افتش فالمعاني يابو حيـاد =ادق الجرس فالباب ويعجبك جرسانه
انا ما ازرع الا ياعرب في جديد بلاد = ولا ارمي ذراية وسط ماعون خربانه
الــــمــــســــعـــــودي
اناكل ماقلتلك نقـص كلامـك زاد = حرام الولد تكسيه والبنت عريانـه
وياعمدة اهل المسفله عند شيخ جياد = واظنه يبا يشتال خوخـه ورمانـه
الــــجــــبــــرتـــــي
انا عود شايب لامقـود ولا قـواد = نظيف(ن) من الا سباب راسه وكرعانـه
انا عارف انك تاخذ الناس بالمرصاد = وربي في بشانه والعريباني بشانه
الــــمــــســــعـــــودي
نشوفك لعلـك مايشوفونـك الحسـاد =لياقلت لي وين السبب ؟ قلت لك عانه
وعيشتك في الدنيا من النار يالحـداد =ومـن لا له اول مـا اخـر ياريحانـه

الله يرحمهم ..وسامحونا

إن جا زله ولا هرجه مختله

رد: عمدة المسفلة ..وشيخ جيـــــاد (الجبرتي والمسعودي) ..

وهذه قصة عجيبة وغريبة من قصص المسعودي ...

كان صياف والمسعودي معزومين في مكة ( الزاهر ) وشعار عتابة مطلق ومستور في مكة ( الملاوي )
وابتدأ المسعودي بقاف وفي نيته يلحق مطلق ومستور فالملاوي وماسمع صياف البدع وقله عيد , قام المسعودي قال ما اعيد هذا لعبنا واللي ما يعرف لعبنا لا يلعب معنا وسري للعتبان فالملاوي .بعد ما خربت الملعبة ..
لحقه صياف في الملاوي ولقاهم يلعبون وكسر لهم القاف و ابدع البيتين التالية :

شبت النيران شبت واحرقت سكان مكة
والمطافي تشتور ما بين ذاخر والملاوي
واحد (ن) ينفك والآخر ترى ما منه فكه
والله انه يالهذيلي مايسوي هأ لمساوي

ذاخر: الحي اللي ساكن فيه المسعودي .

الملاوي : مكان الملعبة

واللي عنده فكره عن تكملة هذه المحاورة أو سمع عنها يدلنا ..

يبدو أن فيها أبيات قوية ومعاني غامضة ...

رد: عمدة المسفلة ..وشيخ جيـــــاد (الجبرتي والمسعودي) ..

لي عودة ياسهيل الابداع ورقي الفكر