[POEM="type=2 bkcolor=#FFFFFF color=#000066 font="bold large 'Segoe UI', Tahoma, Verdana, Arial, Helvetica, sans-serif""]الخط ياهل الخط في صفحة قلوب العاشقين=أما يريِّح بالها والا يزيد هبالها
ما كل من يكتب عَرَف يكتب على عرق الوتين=بعض القلوب تذوب من نقطة وفا تشتالها
الحب نعمه، والمشاعر جسر، واحنا عابرين!=واللي يبي حُبْ القلوب الطاهرة يعنالها
واللي جرح قلبٍ بريْ .. هذاك شيطانٍ لعين=يحسب قلوب الناس لعبه لَاشْتهاها جالها
ما يدري ان اطيب قلوب، اللي يقيِّدْها الحنين=وتروح بين شباك شيطانٍ يشِدْ حبالها
أحيان من لحظة رضا واحيان ملعوب وكمين=واحيان لحظة ضعف .. والشيطان في موالها
يحلف يمين .. ويكذب الشيطان لو يحلف يمين=واكبر دليل الخُطْبه اللي في جهنم قالها
(وعدتكم واخلفتكم ).. قِدْ قالها ابليس اللعين=هيا احذروا ياهل القلوب اللي تفك اقفالها[/POEM]