[POEM="type=1 font="bold large Arial, Helvetica, sans-serif""]يقول بن سلمان فكر وقدر = من لا يفكر زين يتحمل الجور
من لا يفكر كيف يبدي بمظهر = اقولها منجد ما اقولها زور
غبر الليالي جات من ريح صرصر = هبت وشبت كنها راس دافور
اخر زمان كل من عاش خبر = يقوله اللي بالمثل يحكم الشور
اقولها في ماقفي ما تعذر = واللي يبي يعرض عن القول معذور
نشرب ونتغرغر من البحر الاحمر = ما ضاقت الغدة ولا ضاق حنجور
النمر ثعلب والثعيلب تنمر = ولا بقي في داخل الغابة انمور
والصقر ابو جنحان رفرف وعصفر = امسى صقر واصبح مع الطير عصفور
والعود الاخضر لو يطيح يتشقر = ما يستفيد السقف والعود مشقور
والحر دايم فول الدول يقطر = واللاش يبقى فاخر الدول مقطور
واليا طلع نور القمر نور البر = ونشوف نجم سهيل مع طلعة النور
مافي الملاحم غير طليان بربر = تبغي لها مصري وشفرة وساطور
ونجنب الحري على الجنب الايسر = ماعندنا للحري صحون وقدور
واللي مكذبني يقف ويتنظر = ويشوف بالعينين والا بناظور[/POEM]

المشاركة الأصلية كتبت بواسطة أبو عبدالرحمن (المشاركة 587931) حياك الله يا أبو شرف والله يعطيك العافية والصحة صح لسانك

يعطيك العافية