الحاجه... من ارشيفي (قربان اعتذار لانقطاعي)
 

الاحبه ... اعترف بتقصير ي في تواصلي معكم

ولعلني امد كف الاعتذار ببعض الارشيفيات لعدم تفرغي وانشغالي ... فاقبلوا واعذروا اخاكم

[POEM="font="Arial,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

جرب حروف الهجا من الباء للمده=دامك شطبت الالف ماعاد تحتاجه
وشكل على ماتبي بالفتح والشده=والضم والكسر بس لاتكسر سراجه
قلبٍ طوته الهموم وباح لك سده=يومك لباب الهوى كسّرت مزلاجه
بين المشاعر جسور الحب منمده=وبين المحاني قصور الحب وابراجه
كله على شان احبك صار لي مده=سلكت كل السبل عدله ومنعاجه
واليوم اشوفك تباغتني بهالصده=وحمست قلبي حميس البن بالصاجه
ياخل صبرك معي وتزول هالشده=من رحم هالليل خيط النور مبلاجه
والنور لاشع يملا الكون ويسده=وتنسى ظلام الشتات وقمة احراجه
وان كان صبرك نفذ او واصلٍ حده=ارحل وانا قلبي ابخص فيه وعلاجه
ملزوم قلبي على النسيان احتده=الله.. يقهر غلاك ويلعن الحاجه
واشطب حروف الهجا من الباء للمده=مع الالف دامها اشواقك بثلاجه
[/POEM]

رد : الحاجه... من ارشيفي (قربان اعتذار لانقطاعي)
 

النادر صح لسانك
بس ترى هنا ما هو مكان قرابين الله يصلحك

رد : الحاجه... من ارشيفي (قربان اعتذار لانقطاعي)
 

هلا بالغالي : النادر
أبد يالغالي صح الله لسانك وقديمك جديد وقصائدك تستفز المشاعر
دمت ودام هطولك لاتبخل مازال إرشيفك يوجد به كهذه الفاتنه
لاعدمتك

رد : الحاجه... من ارشيفي (قربان اعتذار لانقطاعي)
 

يعطيك العافية أبو عماد

وصح لسانك..

رد : الحاجه... من ارشيفي (قربان اعتذار لانقطاعي)
 

ملزوم قلبي على النسيان احتده 0000الله يقهر غلاك ويلعن الحاجة
تعبير جميل وحكمة بنفس الوقت
احترامي

رد : الحاجه... من ارشيفي (قربان اعتذار لانقطاعي)
 

ماعندنا احد
صح بدانك

الله اكبر يازمن يقبل من الرافضه التقرب بشنق صدام
ولايقبل لشاعر ان يتقرب اليكم باراقة دم البوح

رد : الحاجه... من ارشيفي (قربان اعتذار لانقطاعي)
 

بعيد النظر

المهلي مايولي يالعذب

الجميل فيها انها ارتقت لذوائق النخبه

دمت بهذا النقاء

النادر

رد : الحاجه... من ارشيفي (قربان اعتذار لانقطاعي)
 

النادر
لقصائدك سمة مميزة
ان غبت افتقدناها
لازال لديك الكثير والكثير
صح لسانك وشكرا لك على أن تذكرت المنتدى وأهله بهذه الرائعة.

رد : الحاجه... من ارشيفي (قربان اعتذار لانقطاعي)
 

النادر

تواصلك يسعدنا ومن يملك مثل هذا العبق الزاخر بالمعاني بارشيفه حق لنا ان نطالبه بالمزيد منها .

دم بخير

رد : الحاجه... من ارشيفي (قربان اعتذار لانقطاعي)
 

النادر
قصيده جميله وصح لسانك
وشوقتنا لسماع ارشيفك كله ومنتظرين رائعه اخرى من ارشيفك.