[سنا الهجرة]

أهداء لاخي وحبيب قلبي أبو تركي

مع التحية

[POEM="font="Simplified Arabic,5,red,bold,normal" bkcolor="transparent" bkimage="" border="ridge,10,chocolate" type=2 line=0 align=center use=ex num="0,black""]يالله دخيلك وش بلا خاطري شين=بالصبح ضايق وان دنا الليل ضايق
أثر الفراق اسود كما طاير البين=والبعد عن ما تشتهي النفس عايق
أضيق واعرف وش سبب ضيقتي زين=ماني بلا مجرم ولاني ببايق
وين انت ياراس المكاسب وانا وين=بانت بعد ما ابعدت عني... حقايق
مثلك علي وجه البسيطه ملايين=بالاسم....... لكن الطبايع فرايق
الله عطاك الحس والطيب والدين=تجمعت فيك الثلاثه صدايق
أثرك بهالدنيا كما الشوف للعين=واثري بدونك كن عمري دقايق
كنك رسالة حب واطرافها بين=رمشين عيني.. واكذب الحب صادق
والله لو مثلك من الناس عشرين=ما شاقني منهم لغير انت شايق
ياليت لو فيني جناحين ذالحين=لاطير لك ماني على البعد طايق[/POEM]