[@ بن سلمان @]

المشاركة الأصلية كتبت بواسطة العنكبوت

اولا صبحكم الله بالخير جميعا وكل رمضان وانتم بصحه وسلامه وتقبل الله منا ومنكم الصيام والقيام

رحت اليوم اخذ شوية حاجات ماهي واجد يادوب كيس صغير في يدي بس الحساب اضنه طلع لو بوزعه ريالات مايكفيه الكيس ماعلينا
الحاصل اضن وبعض الضن اثم انه مابقى عندنا بالبقايل والسوبر ماركتات جمع ( سوب رماركت ) والي يلقى جمع غير هذا يعلمني .
تشوف الناس تقول مقبلين على مجاعه ولا حرب الله يجيرنا الي معه عربيتين مليانه وكله كوم واحد شاري كيس من الكبار كله مكرونه مدري هو رمضان كله بيفطر ويتسحر ويفصل بينهم بمكرونه ولا هو وش بلاه .

هذا وحنا نقول الغلا ذبحنا والاسعار نار طيب لو الاسعار ماهي نار وش بيصير .

اقول شكلي كثرة الهرج بروح اتسحر وصلي وارقد

تصبحون على خير

تصدق اني راحم حالك
يمكن تسأل وتقول ليه من متى المعرفة
احس اني استحي اقول رحت اتقضى واجي من السوق بكيس صغير
وين اودي وجهي من اصحاب العربيات الا اذا انك دبرت عمرك و تلطمت هذا شيء ثاني
ودي اهذري معكم شوي بس ما ادري وش اللي يجوز لكم من سواليف اخاف انكم مليتو من السوالبف في رمضان ومقاضيه لكن هي يومياتنا وين نروح منها واللي ما يبي يقراها هو حر يطمر للمشاركة اللي بعدها

الا بالمناسبة اليوم خميس وظني ان النوم الى وقت صلاة الظهر بركة وكافي ولا يكون ادري ان احد منكم قام صلى وعود نام