اقتباس:
المشاركة الأصلية كتبت بواسطة المشتاق
الله ما اعجلك يا بن سلمان
انا سمعت انك يوم انت في بطن امك بغيت تنزل في سبعة اشهر ولا ردك الا ان هذيك السنة كانت سنة الدبى
عاد تصدق ان العجلة طيبة ولو هم الله يجزاهم خير صومونا يوم الثلاثاء كان اليوم نقول ما اسرعها الايام باقي على العيد ثمانية وعشرين يوم وكان يمدي السبت الجاي خامس رمضان
الا ابي اسئلكم على ذكر الفيمتو وش احسن هو والا التوت كلهم يحمرون البراطم ويزيدونهم موية بس ما ادري وش الاطعم انا ما اعرف الا التوت وبس من ايام زمان قبل نعرف الكاسات يوم كنا نشربه في طيس صينية وعشان لا نتلخبط لان لو شربنا التوت في طيس توت كان ضاعت الطاسة
كل عام وانتم بخير وفالكم البشر والسعادة
|
هلا والله بالمشتاق والله يحللك على كلامك اللي قلت الدعوة رمضان وقاعد اعود نفسي على التسامح عشان كذه الله يحللك ويبيحك
وتراي على فكرة اكثر مرطبات رمضان هذه ما اشربها ولاحتى حلوياته الا ما هو مجاملة للاهل لانهم يمكن يتكلفون في شيء وصعب اقول اني ما ابيه