[منقاش]

أصبحنا واصبح الملك لله ولا حول ولا قوة الا بالله
أقول صوموا وتعذبلوا من أبليس .
وعلى ذكر الصوت اللي ثار مني وانا ما أدري يوم شديت حزامي في مجلس شيخنا أبو عبدالرحمن , وكان مثل ألانذار للخصوم والشهود , ومثل اللي يقول يا صنجاء أسمعي الخصمه قبل يجي أقوى منها.
على ذكر هذا الكلام أتذكر مره كنت طالع أنا ومخاوي منقاش ومعنا عضو في المنتدى ما أحب أجيب أسمه في مقناص في صحراء كلاهاري نبحث عن بقايا الديناصورات وبقايا سكان ألارض قبل يسكنها أبونا آدم .
ونحنا في الطريق الرملي راكبين جيب عنتر ناش مظل 45 تلاقينا أحيان مطبات وبطناج , وكل ما أكلنا مطب طلع علينا صوت وجانا دخان من تحت المقاعد حقت مخاوي منقاش والرجال الثاني اللي معنا, وكان الصوت مره تقول صرير سيور المكينه ومره تقول أنه واحد من العكوس أنكسر ومره تقول كربنت السياره والشكمان يكتم .
وكل ما وقفنا وتفحصنا الموتر والماطور نلقى كل شي صاغ سليم حتى شكينا في جن كلاهاري.
تدرون من وين أكتشفنا الخراب والصوت آخر النهار ؟؟.
أكيد ما تدرون لأنكم ما تفهمون في علوم الرجال شي .
الصوت يا طوال الشوارب طلع من
م خ ا وي م ن ق ا ش ,,,,,, ومن الرجال الثاني اللي يمكن أقول لكم أسمه لو طلع لسانه عليه والا على غيري .