salam:
أسعد الله كل مسااتكم بكل خير
اليوم جمعة فأكثروا من الصلاة على رسول الله صلى الله عليه وسلم
اللهم صل وسلم على نبينا محمد وعلى آله وصحبه وسلم
بفضل الله الان طالعين من صلاة الجمعة ودرجة الحرارة 37 درجة يعني الواحد الان يقدر يقعد في ( حدة ) البيت
كنت في جلسة وكان موجود فيها عقيد في الداخلية ويقول ان جاهم امر من امارة الرياض انهم يشكلون فرق ويتواجدون في الاسواق من بعد صلاة العشاء يقول وجاء حظي في سوق حياة مول ( وهو سوق مركزي جديد يقع شمال اسواق صحارى تقاطع طريق الملك عبدالله والستين ) وكان يوم الاحد الماضي اليوم الوطني ( على فكرة الوطني فاز على الاهلي 3 / 2 ) يقول وادارة السوق مرتبه احتفالية ( وطنية ) في السوق و داعية المهرجين فايز المالكي وخالد سامي ( الوسيم اللي كله ملح ) يقول قبل وصولهما السوق كان اشبه بزلزال من اصوات النساء والرجال وانواع الصيحات والهتافات ( وكله لعيونك يا وطن ) لبوس اشكال والوان ومجون واستغفر الله العظيم احضان متبادلة وفجأة وتسونامي يجتاح السوق بدخول المهرجين فايز وخالد عجزنا من السيطرة على الوضع
وجهت له استفهام يعني فرقة امنيه يقودها عقيد بالاضافة الى امن السوق وعصيهم ما يمكن يفضون او على الاقل يكون فيه تنظيم معقول
قال : اولا / انا ادوم مدني لان من هو في رتبتي صعب ينزل رسمي في سوق او ميدان مثل السوق
ثانيا / احنا في مدينة مثل الرياض وفي ليلة مثل هذيك ما تدري انت مع من تتعامل مع امير او اصحاب السمو او .. يعني لو ما تحترم نفسك ما احد يحترمك
يقول خذ مثال عندك في تلك الليلة بعد هدت الامور شوي جاي واحد من اصحاب السمو طفل اقل من 10 سنين ومعة 7 من العبيد البيودقاردات ويلزم الا يبي يدخل الملاهي ويدخل وجيت لواحد من العبيد وقلت له يافلان وعرفته بنفسي ورتبتي واني مكلف من امارة الرياض فما يصير انتم شباب كبار ولو على سموه ما هنا مشكله عمره يسمح بالدخول لسوق عائلي ومثلك عاقل ويعرف يحسب الامور زين الاوهو يزداد كبر على كبر وانا يا حبيب يا لبيب حتى اني كبرت براسه ( قلت له يا طويل العمر هذا عملنا ) قال ابد وهو يقول ان كنت رجل دوك يدي ( يعني عندك يدي ) حطها في الكلبشة يقول وانا اخذه برقبته وانادي العسكر واطلب اسناد وهم يجون يقتشونه ويركبونه دوريتهم ويوم الثلاثاء والعمل يزهم علينا ان حنا نبي نطلق العبد تبي منه شيء قلت ابد حنا في رمضان .
مظهر بسيط من مظاهر اليوم الوطني ( الوطني يفوز على الاهلي 3 / 2 ) .