[بلاحدود]

السلام عليكم

مثلنا اليوم هو

الشيب ما هو عيب

وقبل ان نورد قصة المثل نجول حول هم الشيب في قلوب الرجال ان ظهور اول حبة شيب في عارض رجل او صابره تكون كوقع الصواعق عليه حتى وان قالوا انه وقار اوالنذير كل ذلك مثاليات يدعونها لكن في الواقع يرفضونها الا ما ندر ولما لا فالمرأة اكسير الحياة للرجل والمرأة لا تحب ان ترا الشيب في الرجال ولا تعتقد ان خوف الرجال من الشيب بسبب خوفهم من دنو الأجل لا والف لا المهم سنعود لقصة هذا المثل

القصة
اول من قال هذا المثل الشاعر سروربن عوده الأطرش وهو شاعر فحل وكريم ولد في عام 1200هـ وتوفي عام 1280 وكان يسكن في قصر له اسماه مشرف شمال وادي الرمه يبعد عن مدينة الرس الحالية 20كم تقريبا و بعد ما تقدم به السن كما يقال دوام الحال من المحال ، تغيرة ملامحـه وكثـر شيبه وانحنى ظهره ، هناكـ كانت امراءه

تجي عند صاحب دكان بالرس تشري حاجياتها من عنده و سألته قالت: سرور يجي عندك؟ قال ايه يجي مابين اسبوع الى عشره ايام ،قالت من

فضلك تسلم لي عليه ،، يوم من الايام جاءت المراءه عند صاحب الدكان، و ساْلته جاكـ سرور قال ايه جاء قبل اسبوع

قالت : من فضلكاذا جاك مره ثانيه تناديني ابي اشوفه ، طبعاً هذا الكلام قبل مائه وخمسون سنه ، كانت المراءه في ذاك الوقت تحب

الرجل المشهور بالشجاعه والكرم واللي تنتشر سمعته بين القبايل، فقال راعي الدكان اذا جاء بعلمك،،

جاء سرور وقاله صاحب الدكان ياسرور فيه امراءه كم مره جت وتسال عنك ! وطلبت مني انها تشوفك،

قال سرور: خلاص خلها تشوفني انا اللحين شيبت ما عاد لي في الهواء ، ارسل راعي الدكان ولده، رح لفلانه خلها

تجي جت المراه ، قالها صاحب الدكان هذا السرور اللي تساليني عنه، قالت المراه ( اثره شايب ) طلعت الكلمه منها عفويــه ، قال سرور ( ايه الشيب ما هو عيب ) لكن اسمعي:

وقد بلغت هذه العبارة مبلغها منه فتمثل قائلا

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]يازين شفنـي لا توصـي وصايـا=ما دام كل ( ن) حاضر قل وانا اقول
عذربت شيبي يـا جميـل الحلايـا=لا بد ما يبداك مـع كـل مجـدول
يبدا بشقر (ن) مثل عصـم الروايـا=عليه من نضم اليمـن ثـل وثلـول
يابو ثمـان بيـض بيـن الشفايـا=ما كنهـا الا كمـا ضيَـق هملـول
بالبال منـه (ن) ياعطيـب الهوايـا=لو متن خفقت مومي الريـش منهـا[/POEM]واقتطع الرواة بقية الأبيات ولم يوردوها لما فيه من الفحش حيث ان سرور بالغ في ذلك كردة فعل وهذا دليل على شدة وقع الشيب على الرجال .

وقد وجدت من خلال البحث عدد كبير من القصايد التي استهلها اصحابها بهذا المثل تكرارا ومرارا سأورد بعض ما رأيت ان ايراده مناسب وتناسيت كثير ومنها قصيدة لأحدهم نورد بعض ابياتها استدلالا وعليكم مراعاة صعوبة بعض الكلمات او عدم وضوح معناها لبعض الأخوان نظرا لتباعد التاريخ واختلاف اللهجات :

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]الشيب ماهو عيب ياغض الانهاد=كم شايب يفرى دم الجوف فريا

وكم شايب يرجح بشعوان الاولاد = ليا قلت الوزنة وعمسن الاريا

ويا بنت ما حطوك للركب ميعاد=اذا عطن مع نايفات الزبريــــــا

ولا وردوك العد باقلاص واوراد= على صهاريج من العام صـــريا

ويابنت ما حاربك زايد وشداد = واسقوك في الفنجال مرا وشريا

ولا حاربوك سليم والاد عباد=اطوال الايدي موردين الشبريــــا

من غرس عبدالله الى ضان عواد = تدرين لك روح مغير يتدريا[/POEM]
وقصة هذه الأبيات

ان رجل من قبيلة الروقة من عتيبة معروف بالشجاعة وقوة العزيمة

ويقال ان اسمه ( جويعد العازمي ) بعد ان بلغ من العمر مابلغ ورد

احد مناهل المياه في عالية نجد وسألت عنه احد الفتيات من هو

هذا الرجل فقيل هذا هو ( جويعد العازمي صاحب التاريخ الحافــــل

بالبطولات وكأنه سمع السؤال وجواب الفتاة بقولها هذ الشويب تصغير

(شايب) هو فلان فقيل اي نعم وقد جادت قريحته بالأبيات السابقة .



وهذه قصيده أخرى يقال انها لشاعر اسمه جمل القحطاني في نفس السياق


[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]الشيب ماهو عيب يابنت الأجنـاب=الشيـب للرجـال عـز وحشيمـه

الشيب له معنى ومدلول وأسبـاب=يعرف بها عنـد العقـول الفهيمـه

الأوله شيب العوارض والأشنـاب=فـلاح للـي سكـتـه مستقيـمـه

والثانيه شيب الحواجب والأهـداب=هذاك رجلٍ تاعبٍ مع حريمـه

والثالثه شيب النواصي ليا صـاب=يصيب من وقته غدا لـه غريمـه

وشيب السواعد بان والسن غلاب=عمـر البنـادم تاليتـه الهشيـمـه

وليا انثر فوجه على ذوابة الشـاب=فهذي ترى ورثـن وسنـة قديمـه

لا تحسبينه سبّة (ن) عند الأصحاب=ماهوب سبّه لـه علامـه وقيمـه

وأن حدّني وقتي على فتحت الباب=فتحت لك بـاب النوايـا السليمـه

القلب يلعب بين الأضلاع ماشـاب=يتبع سنا البراق مـع كـل غيمـه

له فالهوى مارد ومصدار وركـاب=ياما شعبهـا والمعانـي عظيمـه

يوم الهوى يذكر مع نوت وعقـاب=يـوم المنـادم مايغالـط نديـمـه

واليوم كلن يلعب بضحكـة النـاب=غشيم ورط وطاح في أيدي غشيمه

لعبه وأنا ذا الوقت مانيـب لعـاب=استغفر الله واطلبـه فـي نعيمـه

هذا جوابي لـك وللحـق طـلاب=ومن عادتي مارضى بجور وظليمه[/POEM]



وغيرها كثير لكن لانحب ان نطيل عليكم وا للقاء يتجدد ان شاء الله
واعذروني على سوء التنسيق فهذه حدود معرفتي
ودمتم بلاحدود