[Naif]

المشاركة الأصلية كتبت بواسطة ماجد المسعودي

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
يا حبال الصداقة والوفا والمودة = علميني عن اللي غاب مدة طويله
المراسيل راحت له وعيت ترده = ما أقدر أصبر على فرقاه يوم ٍ وليله
الغلا صعب والهجران ضدي وضده = لا يقول إن قلبه طاوعه في رحيله
أحسب اليوم بعد اليوم والشهر أعده = وأنتظر ليت لي صبر الجمال الأصيله
كان طاريه طاري مزح للمزح حده = أقدر أرد له مكياله اللي يكيله
لاكن أهواه وأعشق كل مزحه وجده = والهوى بلشة العاقل ولا فيه حيله
أعشق اسمه ورسم شفاه والموت خده = والعيون الوساع أم الرموش الظليله
المشاعر تسابق كلها مستعده = مع وصوفه تموت ظروفي المستحيله
الحلا منه أخذ كل الحلا وأستمده= والدليل التشابه بين دم وفصيله
لو وصفته قمر وصف القمر ما يسده = القمر يشتكي لي منه وأنا أشتكي له
أحسد البحر يوم أشوف جزره ومده = ما حسب للهموم الهينه و الثقيله[/poem]

صح لسانك اخوي ماجد وبيض الله وجهك قصيدة من اروع ماقرأت