رد : من هو الكفء لها ؟
اللي ناره مشبوبه , ودلاله مشروبه , وحلته عامره , واللي أذا لفاه اللافي بش وهش واكثر من الترحيب وأذكي الذبيحه قبل يتعلم الضيف , واللي أذا جلس في وسط ربعه أستمعوا لكلامه ووثقوا في أقواله , واذا زل عليه منهم أحد كان مثل البحر اللي ما تكدره الدلاء , واللي ما يحب الميله ومجاملة القوي على حساب غيره , واللي يغرض ويخدم ربعه في كل مبدا رسمي أو قبلي , واللي ما يدور الشيخه واذا نصاه ربعه وشيخوه ما يرفضها (يعني مستعد وقابل لها) .
التعليم مهم لكنه مطلب ثانوي (يعني يمكن يكون الشيخ أمي) , العمر مهم لكنه مطلب ثانوي (يعني يمكن يكون الشيخ من الثلاثين وأعلا) , مبرر الوراثه لوحده مرفوض .
شروط صعب توفرها كلها لكن أذا توفر أغلبها رجحت الكفه ,, شرط الكرم والضفا في الضيافه أساسي لأن الكرم يغطي العيوب ألأخرى أن وجدت .
والبخيل طافي النار اللي ما فيه هبة ريح لا يصلح لا شيخ ولا خامس ويفضح ربعه أن شيخوه عليهم وبدونه القبيله أحسن لها تبقى مستورة الحال حتى بدون شيخ .
|