[منقاش]

ولد غريره في ضيافة منقاش / الحلقه الثالثه. ولد غريره في ضيافة منقاش / الحلقه الثالثه. ولد غريره في ضيافة منقاش / الحلقه الثالثه. ولد غريره في ضيافة منقاش / الحلقه الثالثه. ولد غريره في ضيافة منقاش / الحلقه الثالثه.

تعافى العمده من الرقعه اللي أكلها من مرته , ليتها كان قضت عليه , ,, وتاب المشاكس ومخاوي منقاش ما عاد يعرجون على حارة العمده خوف منه والخوف الأكثر من مرته .
ما يهمونا , المهم أن ولد غريره أخذ تاشيرة زياره واستقبلته أنا والعمده في جده وعلى أولنا به لبيت العمده في مخطط العسلي في الطايف .
ما قصر العمده عشانا ثنتين من الغنم ماهي حشمه لنا لكن خوف من مرته لا تزيد توطى في بطنه بعد أستوعب الدروس الاوله منها .
بعد العشا جاب العمده الفرش واللحف وكانت كلها جدد لأني عرفت نقطة ضعفه وكل ما جاب شي ما يرقلي ويناسبني رميته في وجهه ورفعت صوتي أبغي مرته تسمع صوتي وطلبتي حتى تعطيه قتله على ما جاه من قتل .
ألتحفنا على أننا نبي نمرح ثم نصبح ونسرح بولد غريره نمشيه على متحف قصر شبره وآثار الطايف وباقي المحلات اللي تستاهل التمشيه , لكن لا بلاكم الله , دوبنا طفينا اللنبات ألا وولد غريره يعترط ويصيح ويقول : الحقوني , الحقوني , ماسكيتو ماسكيتو(يعني النامس) .
أول ما ولعت النور سميت عليه أحسبه تجنن والا طار عقله , لكنه فغر في وجهي وقال أنا لا يمكن أنام أو أجلس في أرض فيها ماسكيتو.
زهمت على العمده وجانا وتفاهم معه وقال له :يا ولد غريره سم بالرحمن , هذي حشرات مسكينه ما تخوف وتاكل فينا من يوم نحنا ورعان حتى اليوم نحنا شيبان , وأصبحنا والفين عليها وهي والفه علينا , ونستوحش لها أذا فقدناها أيام الشتا والبرد , ولا سار علينا منها الا العافيه , وسببها البيارات لأن البلديه تسمح للناس يبنون في المخططات بدون شبكة صرف صحي , وهذا المخطط اللي أنا فيه له عشرين سنه مبني بدون صرف صحي والنامس يدهر فيه والبيارات تطفح علينا في الشوارع , والعين بصيره واليد قصيره , ويش السواه مع البلديه التعبانه .
وأطمئن هالحين نجيب لك ناموسيه تمنع النامس ما يدخل عليك ونجرد البطل منقاش حتى ما يبقى عليه الا سرواله ويرقد بدون ناموسيه ولا لحاف حتى النامس يتليم عليه ويتلهي فيه عنك .
رد ولد غريره وقال : هذي جريمه كبيره يوم أن البلديه تسمح بالبنا في مكان ما فيه صرف صحي لأن البيارات يتوالد فيها النامس اللي ينقل الملاريا والوباء الكبدي ومرض غرب النيل وانفلونزا الطيور والأيبولا ووووو وأسامي لأمراض كثيره عددها وأنا ما أعرفها ولا عمري سمعت بها .
ثم واصل كلامه وقال : ما هو بس ألأمراض , البيارات تلوث المياه الجوفيه والتربه بالسوم والأحماض والأملاح والكيماويات المسرطنه والجراثيم القاتله اللي تروح حتى لخزانات الماء تحت بيوتكم اللي تشربون وتطبخون وتستحمون منها وتسبب لكم السرطان والأمراض الخطيره .
قلت له : وسع صدرك يا ولد غريره ولك عليه القابله والا المقبله ما تبيت ألا عندي في الديره في مكان لا فيه بيارات ولا حمامات ولا مسكيتو , بس بالله عليك تمرح وتخلينا في ليله رحمانيه .
دخل في الناموسيه وكل ما سمع صوت نامسه تزن من برا الناموسيه صيح , وأبى لا يرقد وأبى لا يخليني أرقد , وأنا أبيت لا أخلي العمده يرقد (تغليس) لأني كل ما صاح ولد غريره صيحت وقلت : أره ياهلي ألحقنا يا عمده .
بأختصار كانت ليله كلابيه ما كحل النوم فيها عيوننا حتى أصبحنا , ولا كودنا يسفر علينا نور النهار حتى النامس يوقف عن الطنين على روسنا ويهدا ولد غريره عنا .
ويوم شاف ضيفنا أن النهار طلع واسفر نوره والنامس خبا واختفى طنينه تنهد وقال : ما كنت أصدق أن مدينة الطايف المصياف اللي تاريخيه ويقولون أنها جميله فيها هالمصيبه .
قلت له : لا بالله صدق ونص , ولعلمك هذا وأنت في مخطط العسلي اللي أسمه من العسل , كيف لو كنت في قمله والا وادي النمل ولا الحويه والشعب الأحمر ؟ .
الى هالحد نوقف سالفتنا ونستمر في الحلقات الجايه نروي لكم علوم منقاش مع ضيفه ولد غريره الاسباني, وسلامتكم .