[منقاش]

يا الله مساء خير , يا الله تكفينا شر عيال الحرام وبنات الحرام
أبو أمجد : الله يكفيك شر أبليس اللي ماسك بواحد من قرونك ومعطي بك خايعه أنت وشبيهك مخاوي منقاش .
ابن داخل : آمين لي ولك ولراعي السواني ,, وصدقت منقاش كله حكمه من راسه حتى عرقوبه ,
أما عيال عمنا فهم منا وفينا ولاهم منكورين .
وترى جاني علم أكيد أن ثماله كانوا يهود أيام رفيقنا سليمان عليه السلام وملكتنا بلقيس , وأن تبي الحقيقه والكلام اللي يجمد عليه الشارب هم أقرب لنا من الفلسطينين ومن العرب كلهم .
دفتر كشكول : بيض الله وجهك وهذا عشمي فيك , بس أنتبه لقلال الخاتمه لا يخلفونك عن السكه السلطانيه اللي ماشي عليها خصوصا المغويه الغاوين أمثال المخاوي والمشاكس وابو أمجد .
المشاكس : صدقني أنك ما تسوى عندي كراع كوندليزه رز , واني أبيعك أنت ومخاوي وميه من اشكالكم بشعره واحده من ضيفاتي الثلاث , وموت حسد في قمصك يا بعيد ...
وتراك حمقتني وأنا رجال عاقل وأخرجتني عن طوري واوجبتني أتكلم عليك وازفر لساني وانت ما تستاهل يبو حمار وعربيه كرو .
قايد الطابور : كفو ونص , ويعتمد تعينك رئيس الأمن والحراسات في وفد المفاوضات , بس لاتقعد تبصبص يمنه ويسره مثل صايب عريقات , وأنتبه أذا شفتني خرجت يم الحمامات خلي عينك على الولايا اللي يبون يفاوضوني في الأجتماعات , تراهم من ذمتي في ذمتك حتى أعود عليك .
ابن سلمان : ويش رايك نخليك مرافق لكوندليزه رز , ترى شي أحسن من ماش .