[منقاش]

بطل التطبيع /الحلقه الثالثه. بطل التطبيع /الحلقه الثالثه. بطل التطبيع /الحلقه الثالثه. بطل التطبيع /الحلقه الثالثه. بطل التطبيع /الحلقه الثالثه.

ختمت لكم الحلقه الماضيه (الثانيه) بالسعال اللي وجهه منقاش لشيخة أسرائيل وقال فيه : يا بنت عمي أنا قلبي مايل يمكم واخاف عليكم من تقلبات الزمان , الحيث أني كنت حاط في راسي أنكم تبون أسرائيل تمتد من النيل للفرات ثم اني شايفكم هالحين تركتم الراي الغانم وعودتم صغرتم ألحدود ورديتوها من البحر للنهر, وراكم تصغرونها ؟.
ردت عليه وقالت : يا منقاش نحنا أذا خططنا نسوي خطه ومعها أربع والا خمس خطط بديله حتى أذا فشلت الخطه الأولى تحولنا للثانيه ثم الثالثه وانت رايح ,,, يعني , كنا في البدايه ناوين نخلي حدود دولتنا تمتد من النيل للفرات وتكون عاصمتها اورشليم (القدس) اللي منها نحكم العالم ..
لكن خطتنا الأولى تعثرة بعد أعترضها مجموعة موانع أولها الصحوه ألأسلاميه اللي ما أخذناها في حسابنا من بدري ولقيناها صخره تحطمت عليها كثير من أحلامنا .
صخره أن تركناها نمت وتوسعت وابتلعتنا , وان واجهناها أنفجرت في وجيهنا وولعت نار نعرف مبتداها ولا يعلم بمنتهاها ألا الله خصوصا بعد أطل علينا المارد ألأسلامي براسه وأبتدا يخرج من قمقمه ويعلن أتباعه الجهاد مثل حماس وحزب الله وغيرهم .
وهذي المشكله ما لقينا لها حل ألا نتراجع في مخططنا شويه للورا والأعتماد في حلها على سواعد النشاما رجال أمن السلطه الفلسطينيه وعلى شرواك أنت وولد عباس والنشاما من أمثالكم اللي يخشون من خطر الصحوه .
والمانع الثاني هو أن أغلبية اليهود اللي يقرب تعدادهم في العالم من خمسطعشر مليون (15,000,000) رفضوا لا يهاجرون لأسرائيل , وحاولنا ترقيع النقص بتهجير يهود الفلاشه ويهود العرب لأسرائيل بالحيله حين وبالقوه أحيان أخرى , لكن يا حسره لقيناهم مثل تنابلة السلطان ومتخلفين ولا يصلحون ألا للخدمات والوظايف التعبانه , والنتيجه أنه ما يعقل لأسرائيل تلبس ثوب يخب عليها وتبتلع أراضي ما تملاها بالسكان اليهود .
وهالحين بعد تعثرت خطتنا الأولى نبي نطبق خطتنا البديله (الخطه ب) ,, وطريقة تنفيذها نتقدم خطوتين للأمام ونرجع خطوه للوراء , يعني ندير المشكله ولا نحلها , ويعني نعطي الفلسطينيين شراميط أراضي مقطعه هنه وهناك على أطراف أسرائيل وعلى فترات متباعده ثم نختلق أعذار فيما بعد ونرتد بعضها , ونعطيهم استقلال وسياده منقوصه وقابله للسحب في أيام والا أسابيع , وغيرها كثيرمن الحركات البهلوانيه اللي تكون عربون نهدي به النفوس الى حين ونطفي به جذوة الجهاد ونطبع به العلاقات مع ربوعك العرب والمسلمين .
وأنتبه ترى الخطوه اللي للورا فيها مرونه ألا في حاجتين نعتبرها خطوط حمراء ما يجوز التفاوض عليها ولا التنازل عنها وهي أورشليم ورفض حق العوده .
قاطعتها وقلت : طيب وبعدين ؟, قالت : بعد التطبيع تفتح بيننا وبينكم الحدود ونحول تل أبيب وحيفا ويافا وايلات قبلة السياح من شرق الدنيا وغربها وخصوصا السياح العرب .
ولعلمك , المال والعقول والمناخ والطبيعه والخبره ألأداريه والفنيه جاهزه عندنا , ورايحه تخلي مدن أسرائيل الساحليه تعج بالملاهي ودزني لاند اللي ما شافت الدنيا مثلها ويحج لها السياح بالملايين من كل مكان ,,, ونحول عاصمتنا أورشليم (القدس) قبله لملايين الزايرين من المسلمين والمسيحيين واليهود طيلة أيام العام ,, بالمختصر تحول أسرائيل الى أعظم دوله سياحيه في العالم .
ووقتها يا منقاش سادة المال والأعمال اليهود ينقلون مكاتب ومقرات الشركات العالميه الكبرى المتعددة الجنسيات من مختلف بقاع العالم الى أسرائيل , وينقلون سوق البورصه العالمي من وول أستريت في منهاتن ومعها هيئة الأمم ومجلس ألأمن وكل الهيلمان والصولجان العالمي من نيويورك لأورشليم وتل أبيب , ونحول مواني أسرائيل الى هونق كونق وكوان زو العالم وتصبح جامعاتنا قبلة بعثاتكم الدراسيه,, بأختصار تصبح أسرائيل القلب النابض لحركة المال والأعمال والتجاره والدبلوماسيه العالميه .
ووقتها يا منقاش يجيكم هوامير اليهود بدون وكلاهم المحليين ويشفطون من هواميركم اللي شفطوه من مغفلينكم في سوق ألأسهم وبطاقات سوا ويروح المال لأهله ومكانه الطبيعي وللي يعرفون يناورون به واللي أفتكوه من ألأنقليز من أيام لعبة سوق ألأسهم بعد معركة ووترلو وما سبقها من أيام , يوم أدبنا العاق نابليون ولد بونابرت.
وبعد زمن ما يطول , يعني يكفي حتى تحلل أغلب عقد الصراع نعود للخطه الأولى اللي فشلنا فيها في البدايه . ثم نبني الهيكل ونستقبل سيدنا وسيد العالم المنتظر ملك اليهود اللي يبي يحكم العالم من أورشليم .
وقبل أنسى , ترى يا منقاش فتحنا لك حسابين واحد في سويسرا والثاني في القدس في كل حساب مية مليون دولار بأسمك عربون مقدم للسلام ,, والخير اللي مقبل عليك مثل المطر وأكثر من ما جاك , ولك زياده قصر في أورشليم به المسابح وملعب القولف حتى يكون مقرك في المستقبل قريب من مقر قيادة العالم .
ولك بخاشيش ثانيه فوق الأولات مثل يوم يكون لك كل أسبوع أربع عرايس تقدر تستبدل منهم اللي تبي في ألأسبوع الثاني وغيرها كثير كثير بس لا يدري حسادك.
قاطعتها وقلت : طيب ويش رايك تجوزيني من هالحين وتخلينا أول المطبعين ,, قالت : لا لا , ما يسير هذا الكلام قبل التطبيع الكامل ,, المهم شد همتك والحق عمرك حتى تعيش كما الناس وترمي على ثماله ومن فيها بمية حجر ..
والى عند رمي ثماله بمية حجر أتوقف عن السالفه .. أنتظروا بواقيها في الحلقات الجايه , وأحب أعطيكم أسامي وفد السلام على دفعات هم ووظائفهم على شكل مداخلات لأنهم ما يستاهلون ينحطون في متن الموضوع , وسلامتكم .