[منقاش]

الله يهديك يبو طاقيتين , أنتم أذا أنفك باب جيتوا كلكم معه
وسع بالك قدام شويه ومثلك يعرف أني دوبي شفعت في أثنين والشفاعات ما تجي ورا بعضها مسربه مثل غنم الرويعي وهي مروحه مراحها .
وقبلك مجموعه فاقدهم خليني أتحسس واتجسس عن سبب غيابهم لا يكونون مطرودين لا قدر الله
اولهم صاحبي العمده فاقده من مده ولا أقول الا عسى المانع خير
وثانيهم المشاكس اللي بالنسبه لي مثل الدخان اللي ما يصبر عنه المدخن ويشتريه بالفلوس وهو عارف أنه كله مضره في الدين والدنيا ولا منه منفعه
وثالثهم ابو أمجد الرجال اللي مالي هدومه وراكز قدومه يصرف به علومه , وهذا الرجل أحبه في الله ويستاهل مني ومن غيري التقدير , واقول الأستراحه معتمه في غياب أبو أمجد ولو كان ألأمر أمري والنهي نهيي ساويته بصاحبه المخاوي وحطيت له نجمتين أرفع بها معنوياته .
ورابعهم قايد الطابور اللي ونعم به وستة أنعام , وهذا الرجل بطل وخطير ويلعب بالحجر والبيضه ومع هذ تنكسر البيضه ويسلم الحجر ,, المهم أنه غالي وفقيده .