[اليزيدي]

هذي قصيدة لبن لعبون ... الشاعر الكبير ...والتي تبين شاعريته بهذه القصيده التي تااتي دون نقط ..






أحمد المحمود مـا دمـعٍ همـل
أو عدد ما حال وادٍ له وسـال
أو حدا حاد لسلمى أو رحـل
سار هاك الدار أو داس المحـال
أو عدد مـاورد ورّاد الدحـل
أو رمى دلوه وما صدر ومـال
أحمده دومٍ على حلـو العمـل
سامع الدعوى ومعط للسـؤال
ما على راك لعا وأعلـى ومـل
حاول الطاعه على ما صار حال
ما حلا لولا صدور لـه وهـل
لو ورد ما عدها الما لـه أطـال
ما رد حاله على حال الوحـل
طال ما حسه لروحه لا محـال
راد رود للمهـا سمـه سحـل
عاد صل لسعه أسـوا لـه وآل
ما دعى داع الهوى إلا وسـل
روح مطرود الهوى ماله وسـال
ما على ماسور دمعه لو هطـل
لا ولا مسـراه عـاد للهمـال
ما ورا ما هو عصى وال المهـل
مالك العالم وعـلام الاحـوال
ماسك صارم هلاكه والكسـل
ماسك لعراه معـدوم العـدال
عادم علم الهدى مالـه وهـل
هالدهر دوم على طول الأمـال
ما وراهم كود هـدام الأمـل
للملا حراس لـلأرواح سـال
لو عطاه ومهلـه مالـه مهـل
هل على طول الدهر عمرٍ وطال
ما سعاهـا سالـك إلا رحـل
الا ولا له كود لحده والاهـوال
لو رأى حالـه ومالـه للملـل
لام لوامـه علـى دار المـلال
دار لهـوٍ مالهـا طـرٍ عـدل
ما عداها لهوهـا دوم وعـال
حارس سلال روحه ما سـأل
ما علـى راده المولـى سـؤال
حاكم عادل وما رواه حصـل
آمر ما راد لـه راعـه وهـال
ما عد كاس المراره مـا الحـول
للورود وما لورد لـه عطـال
وارد كاسه ومع أهـل الطلـل
ما لواهم له لـوى دوم وحـال
حال حاله لو راوا ماله وصـل
عاده أملاكٍ اكـرام للسـؤال
وسط لحد ما معه كود العمـل
أو سواد الدود مع سوء المـآل
واعلى حل علا مالـه سهـل
عطله لهو الهـوى دوم ومـال
سامر اهوال الهوى واهوى وحل
ما طوا سده وعـاده للهمـال
حاول السلو وسـاوا للاسـل
والهوى له ساحر سلـه سـلال
راحمـه وال المـلا وال عـدل
صور العالم على حلو الكمـال
دوم صلوا عد ما هدهد وهـل
أو عدد ما حام أو هل الهـلال