[النادر]

ابو فهد...عيضه مساعد ابو فهد...عيضه مساعد ابو فهد...عيضه مساعد ابو فهد...عيضه مساعد ابو فهد...عيضه مساعد

اهداء للعلم والشاعر الكبير/ عيضه بن مساعد ... ابو فهد (البدوي)

لاني كنت قد وعدته بالتواصل من قبل في امسيه جمعتنا بمنزل الخال الشاعر الكبير/ عوض بن سلمان ولبعد المسافه تعذر التواصل ولعل الجميل ان يقربنا هذا الصرح لنتواصل فله ولقلوبكم اقول :

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ياليل مالي فيك ياليل عاده=اساهر نجومك واحسب عددها
ماني من اللي كل ماجاه كاده=من الهموم اللي يتناثر بددها
همٍ يحول وهم يرقى شداده=وهم ٍيسابق هم وآخر بعدها
ولاني من اللي عجز يقدح زناده=الين نار الفكر همه هجدها
من صغرتي وانا مقلد قلاده=جنية الحكمه عطتني ولدها
آرد على صافي عدود الرياده=وقليل قبل اللي استطاع ووردها
وقم يانديبي دامه الصبح عاده=ماشقق ستار الظلام وبجدها
جهز رحولك واخذ معك الافاده=مثايل ٍ من ساقها مازهدها
حشمه لمنهو طيب الذكر زاده=فعايله مايوم ٍ احد ٍ نقدها
ابوفهد عيضه مساعد قناده=طيب العلوم اللي خصيمه شهدها
كل ابلج ٍ في ذمته له شهاده=بالطيب يذكر وغاوي اللي جحدها
جهز رحولك يازبون السعاده=حمرا تفاهق كورها عن جسدها
فج النحر فيها وسوم الجلاده=تطوي مهاميه الفيافي بيدها
جل العضود خفوفها كالوساده=لادرهمت كنك على ماء تمدها
واليا وصلت فخل عنك الرباده=لاتاخذك راحه ترى النفس شدها
قله ترى الصمان خضر ٍٍ عواده=ومن لا يدور حاجته ماوجدها
عسه بخيصٍ قبل مده وراده=وجاب العلوم اللي وكادٍ سندها
وان كان راع البل يبغى مراده=يسوقها لاعاد يخشى جهدها
يسوقها عن رعي شوك الكداده=ويرعا بها قاع ٍ قليل حسدها
وعجل وعطني معك رد وافاده=ورايه تراني خابره دايم ادهى


[/POEM]


طبعا هالكلام كان العام الماضي