[الهـامـــور]

( دكتور عيون ) لـ محمد بن فطيس ( دكتور عيون ) لـ محمد بن فطيس ( دكتور عيون ) لـ محمد بن فطيس ( دكتور عيون ) لـ محمد بن فطيس ( دكتور عيون ) لـ محمد بن فطيس

قصيدة للشاعر محمد بن فطيس المري

القصيدة أعجبتني وأحببت أن أنقلها لكم

دكتور عيون

[poem="font="Arial,4,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
يامؤمن الريفي أنا جيتك زبون = جيتك على مدح أكثر الناس وعنيت
جيتك وتعالى الله عمّا يشركون = لولاه يامؤمن لطبك ما اهتديت
راضي بحكم الله عليْ مهما يكون = عالج عيوني لو بعد طبك عميت
ودي أخاشر في البصر من يبصرون = واشوف دربي لاسرحت ولا ضويت
ولا قنصت أثبت مع اللي يثبتون = واشوف طيري كل ما أوميت ودعيت
ياكثر ما يضرب خويّ الطبلون = من كثر ما أكلته مطبات وكليت
ودي أشوف اللي عليْ يعرضون = وبعض الليالي ودي أسري دون ليت
واشوف ناس(ن) في القفا مايرحمون = إما وقفت لصاحبي ولا مشيت
من دون نظارة ولاهم يحزنون = ياكثر ما كسّرت كشمات وشريت
لكن يادكتور جعلك ماتهون = ابغيك كلمة راس دامك ما بديت
اسمع ولا ابغى اللي وزانك يسمعون = ربي كتب يكشف لك اسراري وجيت
صورة عديل الروح عندك في العيون = وأخاف تقطعها بموسك ما وعيت
ولا عليك أمر إطوها تحت الجفون = وعقبه لو تقطع عيوني ماشكيت
هي راس مالي والعرب ما يدركون = إني على باب الممات وما حكيت
ياقو قلبي يوم قفنّه طعون = اللي على ذاك الموادع ما بكيت
ويا صبر صبري والعواذل يحسبون = اني دلهت من الهوى ولا سليت
اسكت عساهم من سكاتي يسكتون = وانا عن اللي في ضميري مانتهيت
وادور الفرحة مع اللي يسهرون = وان ذكروني خذت فنجال وسريت
أخذت من وقتك يادكتور العيون = عالج عيوني لو بعد طبك عميت
واستر عليْ واللي معك لا يفطنون = أنت الوحيد اللي بعد ربي دريت
[/poem]

آمل أن تكون قد حازت على إعجابكم