[اليزيدي]

::

[GRADE="00008B FF6347 008000 4B0082"]قصائد القهوة


بما أن القهوة رمز الكرم عند العرب فان الشيخ

سعد بن قطنان السبيعي

يعتبر من رموز الكرم والسخاء في قبيلة سبيع

وأحد مشاهير كرماء العرب وهو القائل في القهوة






جر الفراش لنا وهات الدلالـي
أربع مغاتير علـى النـار تدنـا
ترى حلاة النـار دوم إشتعالـي
وسوقة فناجيل عليهم مـن أدنـا
فنجال أشقر مثـل دم الغزالـي
ليا نقص شيء من الكيف زدنـا
أتعب لها بالسوم لو كان غالـي
لو كان زود بالثمن مـا نشدنـا
نشري لها المثلوث هو شف بالي
لو كان سوقه نازح عـن بلدنـا
ياما دفعنا بالثمـن مـن ريالـي
غير القرا نسهر لهم مـا رقدنـا






وله أيضا في القهوة





قم يا رويشد شب ضو المنـاره
ثم هات من صوته يقود المسايير
نجرٍ ليا حـرك تزايـد عبـاره
يا زين صوته بين عوج الدواوير
يا مسوي الفنجال كثـر بهـاره
جلـفٍ ويتلنـه ثمـانٍ مغاتيـر
حاذور يالصباب تثنـي مـداره
ألا على اللي ينطحون المخاسير
أحد ليـا سيّـر عرفنـا وقـاره
وأحد ليا سيّر يـدور التفاكيـر
كم واحدٍ ناشـي بليـا خسـاره
مصبرٍ نفسه على البخل تصبير
هو يحسب إنّا ما نعرف الصقاره
يعد عمره من حساب المناعيـر
يا حبنـا والله لجمـع التجـاره
لولا الحياء حنا نعرف المعاذير






ومن قصائد القهوة نختار لكم هذه الأبيات

من ضمن قصيدة طويلة للشاعر المعروف

محمد العبدالله القاضي

وهي في وصف القهوة وطريقة اعدادها





دنيت لي مـن غالـي البـن مـا لاق
بالكف ناقيها عـن العـذف منسـوق
إحمس ثلاث ٍ يا نديمي علـى سـاق
ريحه على جمر الغضى يفضح السوق
وايـاك والنيـة وبالـك والاحـراق
واصحا تصير بحمسة البـن مطفـوق
ليا اصفرّ لونه ثـم بشـت بالاعـراق
صفرا كما الياقوت يطرب لها المـوق
وعطّت بريح ٍ فاخر ٍ فاضـح ٍ فـاق
ريحه كما العنبر بالانفـاس منشـوق
دقـه بنجـر ٍ يسمعـه كـل مشتـاق
راعي الهوى يطرب الى دق بخفـوق
لقّـم بدلّـة مولـع ٍ كنـهـا ســاق
منصوبـة ٍ مربوبـة ٍ تقـل غرنـوق
خله يفوح وراعـي الكيـف يشتـاق
ليا طفح له جوهـر ٍ صـح لـه ذوق
أصفر قمـوره كالزمـرد بالاشعـاق
وكبارها الطافح مـا صافـي المـوق
زلّه على وضحا بهـا خمسـة رنـاق
هيل ٍ ومسمار ٍ بالاسبـاب مسحـوق
مع زعفران ٍ والشمطري ليـا انسـاق
والعنبر الغالي على الطـاق مطبـوق
فيـلا اجتمـع هـذا وهـذا بتيـفـاق
صبّه كفيت العوق عن كـل مخلـوق
بفنجال صين ٍ زاهي ٍ عنـد الارمـاق
يغضي بكرسيّه كما اغضاي غرنـوق
إليا انطلق مـن ثعبتـه تقـل شبـراق
رنق ٍ تصوّر للحمامة علـى الطـوق
شكّل على الفنجـال لونـه إلـى راق
دم الغزال ليا انمـزع منـه معلـوق
خمر ٍ إلـى منـه تسلسـل بالاريـاق
وعليه من ما صافي الـورد مذلـوق
راعيه كنـه شـارب ٍ ريـق تريـاق
كاس الطرب وسرور من ذاق له ذوق






::

يا كليب شب النار


ومن أشهر ما قيل في القهوة هذه الأبيات

وخصوصا البيت الأول للشاعر

دغيم الظلماوي

حيث قال




يا كليب شب النار يا كليـب شبـه
عليك شبه والحطب لـك يجابـي
حنا علينـا جيـب ماهـا وحبـه
وعليـك تقليـط الـدلال العذابـي
ادغث لها يا كليب من سمر جبـه
وشبه ليامنـه غفـى كـل هابـي
واحرص على جمره احراق حبـه
ياما العرق تشوف على الحب ذابي
ودق البهـار وبهـره ثـم صبـه
تصبغ على الفنجال مثل الخضابي
ونجره توال الليـل يدعيـك نبـه
لا عوى يشدي حس ذيـبٍ بنابـي
الوالمه يا كليـب عجّـل بصبـه
والرزق عند اللي يجيب السحابـي
ومن يوجعه رأسه ترى الهيل طبه
وليا تقهوا كيفـة الـرأس طابـي
بـاغ لـيـا شبيتـهـا بالمشـبـه
تجذب لنـا ربـع سـراة غيابـي
سـراة ليـل وناطحيـن مهـبـه
لا نسنست يا كن بـه سـم دابـي
مع كبش مصلاح لـك الله نجبـه
لا دبـر الهيـن متيـن العلابـي
إن شابط المنزوع خطـو الجلبـه
ياما حلا يا كليب خبـط الركابـي
آقف لهم وأبـدي سـلام المحبـه
لا جنّب الهيّن عريـض العلابـي
بكلامٍ أحلى مـن شخاليـل جبـه
وأحلى من السمن الجديد العرابـي
خطو الولد فوقـه زبـونٍ وجبـه
ويجي عليهم من حساب الزهابـي
بنسريةٍ يا كليـب صلـفٍ مهبـه
متلطميـن وسوقـهـم بالعقـابـي
وأصبر وإن الصبر يا زيـن غبـه
يرقيك روس مشمرخات الهضابي
ومن لا صبر يا كليب في حكم ربه
هذاك يوم الحشـر مالـه ثوابـي







::


وهذه قصيدة للشيخ

تركي بن حميد العتيبي

في وصف القهوة





يا ما حلا يا عبيد في وقت الاسفـار
جذب الفراش وشب ضـو المنـاره
مع دلة تجـذا علـى واهـج النـار
ونجر اليـا حـرك تزايـد عبـاره
النجـر دق وجاوبـه كـل مـرار
ما لفه الملفـوف مـن دون جـاره
في ربعة ماهيب تحجب عن الجـار
لامن ولد الـلاش مـا شـب نـاره
وأخيـر منهـا رقعتيـن بالأسحـار
لا طاب نوم اللـي حياتـه خسـاره
تلقاه فـي يـومٍ يضيعـن الأفكـار
يومٍ على المخلوق ما أطول نهـاره
وقم في قصير البيت حشمة ومقـدار
لو جار فإدمح له ولو بـه خسـاره
ترى النبي وصى على الجار لو جار
خذ الحذر يا عبيـد عقـب النـذاره
رافق قوي الديـن حفّـاظ الأسـرار
ينفعك في يـومٍ يجـي بـه كـراره
ترى الهوى والغي هن شر الأشرار
ومن داس عار الناس داسوا لعـاره
جنب ردي الكـار مـا فيـه تعبـار
ما فيه مـن فعـل المناعيـر شـاره
واسلم ودم بالخير يا طيـر غيمـار
وصلوا على المختار ما غار غـاره






::

وهذه قصيدة للشيخ

عجران بن شرفي السبيعي

الذي اشتهر بأنه لا يثني الدلة ولا يذبح

الماعز لضيوفه حيث يقول في القهوة

ولمن يجب تقديمها ويستحق تناولها






يا فهيد صك النجر يوحيك بتـال
صكه كفـاك الله جميـع الأذايـا
استدن نجر في الدهر يعول اعوال
اعوال سبـع حاديتـه الضرايـا
وعليه كيف لي من البـن فنجـال
جعل الرخوم ونسلها لـك فدايـا
وعده لحماي النوايـب والأثقـال
في الضيق لامـن إلتقـن المنايـا
واللي يحزب زاد بيته ليا اكتـال
وحط المعاني الطيبة لـه شرايـا
واللي ليا رد البرا بيـن الأعمـال
لا رفعـوا لقطيـهـن بالهـوايـا
واللي يروي حربتـه بالتجيـوال
له عادةٍ يرخص سمـان العطايـا
وباقي العرب خله ولو كان زعال
هذا وبالمجلـس كثيـر الحكايـا





::


والشيخ

مشعان بن هذال

قال في القهوة





قم سو فنجال ٍ ترى البال منـداش
لعيون من قرنه على المتن مرجود
في دلة ٍ مربوبـة ٍ كنهـا شـاش
وبهارها مقدار خمسة عشر عـود
والهيل حطه لا تداني ولو جـاش
ومن الزباد اقنع على شذرة العـود
أبيه رسم ٍ للنشامـا عـن الـلاش
فاللاش لا فاقـد ولا هـو بمفقـود
تر لـذة الدنيـا معاميـل وفـراش
وصينية ٍ يركض بها العبد مسعـود
والطيب سنة والردى كنه الطـاش
واللي يريد الجود ما هوب مردود
في ربعة ٍ يقعد بهـا كـل هتـاش
يفرح بها اللي من دناياه مضهـود
وصفرا تلوح بالضحى كل مهباش
يصطي على قلب المناعير بالعـود
يالله طلبتك عند قـودات الادبـاش
ابـل ٍ مغاتيـر ٍ ويبرالهـن سـود
مرباعها الصمان تبعد عن الطـاش
ومقيضها دخنة ليا صـرّم العـود
أبي ليا جانا مـن المـال شوبـاش
وتطاوحت من بين الاسلاف جلحود
من لا يروي شذرة السيف لا عاش
عسى عليه مورّد الجيـب مقـدود






::


والشيخ

هايس بن مجلاد

يقول أيضا






قم سو ما يصبغ على الصين يا ذيـاب
بـدلال يشـدن البطـاط المحـاديـب
احمـس ليمـن العـرق فوقـهـا ذاب
واستدن ما يجـذب عليـك الشراريـب
نجر يصيح من الطرب تقـل بحجـاب
يصبر على طـول الدهـر للمواجيـب
وليا انطلق من مزلقـه كنـه خضـاب
ورس صبغ بكفوف بيـض الرعابيـب
صبـه لمـن قـاد السرايـا للأجنـاب
فـي مفرسـه يشبـع النسـر والذيـب
والثاني اللي وان لفوله علـى ركـاب
قـدام بيتـه تقـل مجـزر قصاصيـب
والثالث اللي وان غشى الزمل ضبضاب
يرخص بعمره دون زمـل الرعابيـب
وباقي الملأ يكفيهم التـول لـو شـاب
رصاصة المجلس حميـر المشاعيـب
اللي نهـار الكـون يفـزع بمصـلاب
كبـار الأنفـس ساهجيـن المواجيـب





::

والشاعر

محسن بن علي بن جغيثم السبيعي

قال أيضاً في القهوة






يا عيد شب النار قم سو قم سـو
وسـو فنجـالٍ وزيـن قـنـاده
هات الدلال ووسع حفرة الضو
شب بحطب سمرٍ ولوعٍ عـراده
خل النشاما لا تلافولـك وجـو
يلقون من جدك مراسيـم عـاده
إحمس من البن الخضر لاتلافوا
وللعود حط شـداد وألا وسـاده
وبهارها هيلٍ من الباخـرة تـو
توه منزّل مـن سنابيـك سـاده
مع البحر ملفاه وألا مـع الجـو
مع زعفرانه كبر رجل الجراده
حتى يجـي فنجالهـا لاتقهـووا
مثل صفار البيض في كأس ساده
فإن كان هم عجلين قـل تغـدوا
وألا العشاء مضمون مثل العباده
حتى لا راحوا لأهلهـم وقفـوا
كلٍ يعد الطيـب علـى إنفـراده






وأيضاً الشاعر

عبدالهادي بن راجس السبيعي

قال في القهوة





أوي فنجـال يصبـه مسـويـه
وحنا سوالفنا على جـال ضـوه
في ربعة والبيت يرفـع بقاريـه
بيت على ماقيـل يرفـع بقـوه
تالي نهاره وأولـه دايـج فيـه
قم سو فنجال المطاليـق سـوه
احذف لها رمث كبـار مثانيـه
تـو الجماعـة نازليـن بجـوه
والماء تخيّر من زلاله وصافيـه
من مزنة ماخاشر العـج جـوه
واحمس ولاتحرق وحاذر تنييـه
ما بيـن فرغهـا ومابيـن تـوه
وإجغف لها من طيب الهيل غاليه
والزعفران بكثرة الهيـل شـوه
صبه على اللي طيبـات معانيـه
واختص من هو بالمراجل تفـوه
اللي يعّنز لك ليا رحت ناصيـه
يسلـم ولا يسلـم ردي المـروه






والشاعر

سلطان بن مبارك الأدغم السبيعي

يقول أيضاً في القهوة





يا سليم شب الضو مالـك مهانـه
يجي لها ضـوحٍ يقـود السراتـي
وأشغـل بفنجـال وزيّـن زيانـه
وإحذر من الإحراق وألا النياتـي
ريح وطعم راعيـه ينشـع لسانـه
أطرف حمر لونه كمـا دم شاتـي
عده على اللي لا هرج لك تكانـه
قليـل هـرج وبالملاقـا زناتـي
يفداك من هـو عايـش بالذهانـه
وإيديه لحبـال الـردى قاضباتـي
طاريٍ عليه الجود تالـي زمانـه
زل الشباب وهو على ذالسواتـي
عند الجماعة مهلـقٍ فـي لسانـه
وهو لا يحذف ولا يجيب الحصاتي [/GRADE]