[حسن عابد]

أحلامنا يالحبيب أوراق
......فيصل وأنا بندر وخاله
يدري أحبه من الأعماق
......فال الندى والندى فاله
طفولة ٍ كنها الإشراق
........وبراءة ٍ تشبه عقاله
أحبه أكثر وأنا "مشتاق
.........أمر لحظة على باله"
يافيصل الفيصل أنت أحداق
...... عيني وجفني..وأنا داله
بسم الله الواحد الخلاّق
........عليك من عين محتاله
فاق القصيد بحنيني فاق
......من ضحكة ٍ منك مختاله
أقلط على قمة الخفّاق
....مركاك ..الأحلام؟ من قاله؟
مركاك قلبيْ وروحيْ رْواق
....... عن حاسد ٍ مالك وماله
خوالك إن صوّب التـّفَاق
.....يَحـْمون يافيصل القالـه
قد قالها شالح* ولاضاق
.......خيل المحيّا..ياخَيَّاله
وجدانك أهل الوغى لافاق
...... الدّم والنار شعّالة
عدوهم دايم ٍ منعاق
..... وخصيمهم حالته حالة
جبت ألك من صادق الأوراق
......شعر ٍ ورى الروح مقياله
أصدق قصيدة على الإطلاق
..... عن البناخي.. وأنا خالـه


* شالح بن هدلان..من قصيدته المشهورة:
ماخبْر أبه حي ٍ بكى حي ياذيب
....ياذيب أنا ببكيك لو كنت حيّا!
أبكيك ويبكونك هل الفطّر الشِّيب*
.... إن لايعتهم مثل خيل المحـيـّا



2.الفلوجه دائما..

الفلوجة دائماً!



ياأُم المآذن والروافد والامطار
...................... ياأم العروبه والشذا والأزاهير
يالفالجه* ماباقي ٍ غير الاشجار
...................... اللي عليها ماتحط العصافير!
لكني آشوف الدما مثل الانهار
.................... واشوف شجعانك موارد مصادير
يوم اختلط دم ومدامع مع غبار
............... مع نار مع موت..النصر طعمته غير!
تخضّبي دم وصخب والبسيّ خمار
.................... وتراقصي بين الرضا والتباشير
لو عوروّا خصرك بتطويق وحْصار
.................... ولو دمروا قلبك من الحقد تدمير
البارحه فـ ترابك كبار واصغار
................... أرواح ٍ أشبه بانبعاث الأساطير!
أشاوس ٍ تجتاح وقلوبهم نار
................... وعزومهم ريح وسموم واعاصير
مالوا على عدوانهم ميلة أحرار
....................... وتلّحقوهم باللهب والزمهرير
أسود ٍ ارتزَّت على تراب الانبار
......................فـ جباههم سجده وفالحلق تكبير
المجد مكتوب ٍ لفتيان شنعار*
...................... الصابرين المسلمين المغاوير
باعوا لأجل الدين والعرض الاعمار
.................... وتقاطعوا موت القرود الخنازير
حتى هطل وسم ٍ صدوق ٍ ومدرار
........................ على جباه المُتقين المناعيــر
ولّـفوا حواليهم كذا.. دار مادار
.................... وساقوهم لموت المهونه طوابير
للدين للحريه ..لدمعة الثار !
........................ ما ردّهم للخوف كثر المعاذير
وياطيب عين اللي يجاهد ويختار
........................ الحسنيين ولاحياة المخاسير
تحركوا يارجْال الامه يالاخيار
....................... باقي لنا دمعه ببغداد وتحيــر!
باقي لنا فالقدس لحظه عن العار
........................باقي لحريات الاحرار تحرير!
باقي لنا سجده فالاقصى بالاسحار
....................... باقي لنا صرخه جنوبيّ كشمير
باقي لنا في كابل جروح وآثار
...................... فوجيه شيبان وشباب وقوارير
مليار مسلم .. مانبي غير الإصرار
........................والحق بـ يْد مدبّر الخلق تدبير
ويالفالجه* ماباقي ٍ غير الاشجار
...................... اللي عليها ماتحط العصافيــر!






لعل هذه القصيده تنتزع دعوه من قلب صادق لأخواننا الأشاوس وهذا المهم
*الفلوجه العظيمه الخالده
* فتيان شنعار: لقب لأبناء الفلوجه العُظماء

3.صوره بالألوان..

والله يابو ضحكة ٍ فيها نهاريـن
............قبل اتكسّر على صورتك الأوزان

لقيت فيها السما والأرض والطين
..............وتاريخ غامض بلا معنى وعنوان
فـ خيوطها ثرثرة شاعر وقافين
..............وبحر ٍ تحت زرقته لولو ومرجان!
وفيها من التوت مايغريك يالتين
..................ومن الثمر لاتدّلى عَقْد رمّان
وفيها العنب سلسل غصون البساتين
..............يوم البنفسج تحضنها بالاحضان!
سْقوفها من زبرجد طـّل مابين :
................ستاير ٍ ما حكت للريح نسيان!
يسولف السمع فيها جنب ليلين
................لين اختنق شمعدان وطار دخان!
فيها تلّفت يسار وعينك يمين
............وعلى التفاتـك يصب الغيث ودان
وعلى شفاهك تلعثم حدّ سكين
..................وخيانة الأحمر النافر للالوان!
كن الخشب في براويزه ربيعين
.............وأنهار وأعشاب في صدري وهتان
يحرث بها الظل حبـْر وتزهر يدين
...........ويحفر لها الحلق صوت وينطق لسان!
وتجلس وفي جلسْتك يبيّض نسرين
.............وتاقف وفي وقفتك ينهار وجدان!
وكم حاجبك عقّل هْبَال المجانين
........وكم هي رموشك تجَغْرف بيد و أوطان!
وكم رغّدت خدك عْيون الفقيرين؟
..........وكم في عيونك سَرح طرقي وهجّان!
ماقلت في صورْتك حرب ومعادين
..............ولاقلت فيها رمي بندق ونيشان
أقول فيها يزغرد صبح ويبين
............وأطير فيها ..سما..من غير جنحان!
أو قل طريق ٍ تواعد فيه قلبين
............واحد نسى قلب واحد كان ولهان!
لين احترق فـ انتظاره وامتلت عين
...........وانهدمت ضلوع في صدره وجدران
وياهي ملامحك يشربها الغريبين
.............ومن أربعين الشبه ماتشبه إنسان!
أشوفها اصْدق من دموع المساجين
.............اليا اطلبوا رحمة ٍ من كف سّجان
وأحس لاشفتها تاقف بي سنين
.......وإن جيت بـ اصد عنها..تمضي ازمان!
وأشوفها جملة ٍ مابين قوسين
............تفسيرها الدمع والحيرة والأحزان
شبّرتها ماتجي بالطول شبرين
..............لكنها السرمدية بعض الاحيان
وباقي من الثلث ليل وراح ثلثين
............وأنا اتدّفى على صـورتك بردان
سامرتها وانفجر شاعر وصدرين
...........ومْن الوله والحنين ارتبكت أوزان
لين نْعَسَت عين..وشوي نْعَسَت عين
........ونمت وتركتك تحاكي صمت الالوان!