بعض الحكي صعب ينقال بعض الحكي صعب ينقال بعض الحكي صعب ينقال بعض الحكي صعب ينقال بعض الحكي صعب ينقال
قصة وأبيات
طبعا هذي الابيات لكن القصة مافيه داعي لذكرها ( لا تقولون لي وش هي )
وفيه قصيدة ثانيه في نفس الموضوع سوف اطرحها ان شاء الله في الحلقات القادمة ودمتم بخير
نترككم الان مع الابيات وآمل أن تحوز على استحسانكم ورضاكم
[POEM="font="Simplified Arabic,5,blue,bold,normal" bkcolor="transparent" bkimage="" border="groove,9,skyblue" type=1 line=0 align=center use=ex num="0,black""]ياصاحبي بعض الحكي صعب ينقال=أحيان غصباً عنك تبقى محايد
والا تبي تخسر وفي كل الأحوال=ياصاحبي خسران والمال واحد
لا جات بين انساب واعمام واخوال=وانته على هذا وهذاك شاهد
تحدث مواقف تجعل الحر تمثال=إذا تفكر فالحكي والرٌدايد
يجمٌع الشيبان دله وفنجال=واحنا يفرقنا حشيش اللٌدايد
ونصير مثل العلك بفمام الانذال=عيال عم ... وفرٌقتهم عضايد
لو كان قولي بين الاغراب فعال=بين القرايب ما يجي فعل زايد
أقعد ورا هذا وهذاك وش قال=وان جيت ابرضي زيد زعٌلت زايد
وان ملت مع رجال زعٌلت رجال=وان قلت قول الحق راحت جحايد
مابي كثير الهرج طيب وبطال=ليش العلوم اللي عليها نزايد
لو كل ما فالامر حق(ن) ومعدال=إحنا لنا فالحق سلم وعوايد
ما نختلف فيها على كل الأحوال=حتى ولو شدٌت علينا الشدايد
ولو كل ما فالأمر ميت وقتال=يشهد لنا التاريخ قدم وجدايد
أنا من رجالٍ لها اقوال وافعال=تسري بليل ويصبح الأمن سايد
والمشكله عندي لها ألف حلال=بالطيب والا غصب والا مكايد
واللي معه حيله - بلا شك - يحتال=ماهو مكبٌر بالفراش الوسايد
أواجه الاخصام وريال بريال=والعقل حل المعظلات الكوايد
والأرض يملكها صناديد عقٌال=ما ورٌثوها للرخوم البلايد
والحب له زارع وحاصد وكيال=لوكان ما منهم يحصل فوايد[/POEM]
وسلامتكم