[{بعيدالنظر}]

سلام تسليم الشريعه واجب المسلم على المسلم يسلم الطيب يمشيبه وله في سكة السلطان جره بالوفاء قدر ومحبه

ردية توفي مواجيب الرجال مع الرجال وكيلها والمد وافي مايغيرها شقى الايام كود الشمس غابت والقمر عن طلعته يغيب ضوه

تنصى عوانينا ثماله حصن مبني فوق سيسان الوثاقه شيده بانيه من فوق العزاز بقدرت الله الصبا ولا العوالي ماتهبه

العزوه الي في اللزوم عزوم في وقت الطلب تمشي على الساق المنيع ولن تغير حال مثل النار والبارود يوم يشب شبه

ضد العدى واهل القدى مرسى العرافه والضيافه والكرم يالله لاتخِل الرجال من الديار الي يعرفون المرو ه

يقوله الي مايجيب الهينه من يوم جداني وبويه مايحبون الخباثه طيب للطيِب وعلمن ماعنانا صاحبه مانمدحه ولا نسبه

ربعي ثبيت اهل الشكاله متعبين الجيش وظهور الاصايل في زمان اول ليا نشّى خياله وارعدت برعودها لن حاز نوه

لطامت العايل مثل موج البحر مده وجزره من عرف موج البحر يدرى على نفسه من الموت الحمر ويشوف سوّه مايطبه

وختامها مني تحيه يارجال المنتدى شعار وشيوخ وشباب وللعلى ندعي لكم بالعون والله يستجيب لدعوتي تبقون قوه جنب قوه



الله الله الله الله الله الله الله الله
ياسلاااااااااااام ياسلاااااااام يابوفهد
عزالله الحدايه اللي تبيّض الوجه معنى ومبنى
ويستاهلون ثماله حاضر وغايب والثبته وكل القبايل ونعم
وآنت شاعر يشار له بالبنان شاعر عملاق مبدع في كل فنون الشعر وأغراضه
لله درك إلى يوم القيامه .
تقديري لك يالحشيشي