[منقاش]

أنا رجال عامي وبدوي لا أقرا ولا أكتب , لكني أعرف أن الغيب ما يعلمه الا الله , واعرف أن كل شي يبتدي أماني واحلام وأذا كتب الله واجتهد الحالمين يعود الحلم علم بأذن الله .

وطالما أنكم قلتم اللي قلتم خلوني اقول ويش يدريكم لا يكون يومها المسلمين قد أتحدوا ويحكمون العالم من بيت المقدس ؟, وهذي محطه مؤكده في المستقبل اللي ما يعلم وقته بالتحديد غير الله ..
وويش يدريكم لا يكون يومها الأعور الدجال (نعوذ بالله من فتنته) مستبيح العالم ؟ , وكثير من الرجال والنساء المسلمين قد أفتتنت به وتبعته وتركت دينها ولا بقي منها الا القله القليله اللي على الهدى وعاضه على دينها .
ولا تستغربون وانتم اليوم منكم ناس كثيرين يبيعون دينهم بعرض من الدنيا قليل ,, وانتبهوا , أنا ما كفرت أحد , أنا أقول يبيعون دينهم ...
وويش يدريكم لا تكونون يومها في وسط ملاحم آخر الزمام وفسطاط المسلمين بدمشق ؟ , وانتبهوا لهذي الدمشق لأن لها علاقه بالفسطاط ومنارة مسجدها ربما (أقول ربما) يجي عندها حدث له ما بعده , وله علاقه بقيام الخلافه على منهاج النبوه ..
لكن المؤكد يومها أن أغلبنا ياللي نكتب اليوم ونقرا في هالمنتدى أن لم يكن كلنا نسكن في مراتع الدود وضيق اللحود , ومنا من هو قبره روضه من رياض الجنه جعلنا الله جميعا منهم , ومنا من علومه علوم نسأل الله العفو والعافيه ..