نص فخم نص فخم نص فخم نص فخم نص فخم
السلام عليكم ورحمة الله
أخترت لكم هذا النص العذب والجزل والجميل
يا نجمة الصبح كبدي منك مرهوقه
لا شع نورك علينـا لا تغيبينـي
ستاير القلب من فرقاك مشقوقـه
أصبر من العام لين إنك ذبحتيني
الود لو نتركـه عنـا وطاروقـه
أضني أرتاح وأنت تستريحينـي
لبيه ياللي تجر القلـب بعروقـه
كله على شان يوم إنـك تلبينـي
تلحني لح ركـبٍ عجلـو سوقـه
أو جل ذودٍ مسريهـن شيابينـي
عديت من مبسم المجمول لا أذوقه
أنا منعني الحيا وأدرا على الديني
واقلبي اللي من الجازي دنا عوقه
با الله شيرو عليها لا تقاصينـي
وان كان قلبي تلبش عنه صندوقه
شدوه ليت أتجـود فيـه بيدينـي
الشاعر / نمر بن صنت