[@ بن سلمان @]

غيبة دهر ماهي شهر غيبة دهر ماهي شهر غيبة دهر ماهي شهر غيبة دهر ماهي شهر غيبة دهر ماهي شهر

السلام عليكم


الاخوه الاعضاء والزوار الكرام


هذه قصيده ل / سليمان التركي السديري يرحمه الله ينصح بها ابنـــه فيصل .. واتمنى ان تنال اعجابكم :







[poem="font="Simplified Arabic,4,black,bold,normal" bkcolor="transparent" bkimage="images/backgrounds/16.gif" border="none,4,gray" type=2 line=0 align=center use=ex num="0,black""]أشوف ديّاني وقف لي على الباب = يبي الوفا منيّ ويطلب حسابه

ماينسيّ دينٍ تقفّاه طلاب = الدين مايوفيه كثر الطلابه

يافيصل أودعّك توديع الاحباب = لاتحتريه انّه يجي من غيابه


غيبة دهر ماهي شهر عدّ وحساب = في مظلمٍ ينهال فوقي ترابه

ابيك ماتجزع وتفزع وترتاب = انّ جاك من ينعي ويشلع ثيابه

عمر البكا مافاد حيٍ ولاثاب = لوّ سرّ غيرك كان سرّ الندابه

اعزم وشم وأصعد من المجد مرقاب = واطلب لبوك انّه يخفف عذابه

وعليك بخوانك وربعك والاقراب = حقيّ عليك مواصلك للقرابه

ومن بينكم لاينقل الهرج سبّاب = ترى دمار الدار نقل السبابه

ومن الرجال الى تخيّرت الاصحاب = تخيّر اللي مايغيّر جوابه

مغلاق باب الشر حلال الانشاب = زبن الدخيل الى تنصىّ جنابه

وابعد عن الدوني ولوّ مرةٍ طاب = لزوم يظهر لك مرادٍ عيابه

وانصى الرجال الى تخيّرت الانساب = كل يعوّض به يكون النسابه

وانشد عن المزبي ترى العرق جذاّب = عرق الردى لابد يجذب جذابه

بلغتك الاعلام من غير نجّاب = والحر يعرف من خطاه وصوابه[/poem]