[منقاش]

يعني ما نويتم تتركون في حالي ؟. يعني ما نويتم تتركون في حالي ؟. يعني ما نويتم تتركون في حالي ؟. يعني ما نويتم تتركون في حالي ؟. يعني ما نويتم تتركون في حالي ؟.

يا أخوان كلكم وبدون أستثناء ,,, أنت يا شاعرنا الكبير يا سنا الهجره , وانت يا مشرفنا الكبير يبو عبدالرحمن , وانت يا زيد الخير ياللي ما يجي من وراك الا كل خير, وانت يا أقزوز متبسم وفكرن متقسم , وانت يا مخاوي منقاش يا زفت يا سبب كل البلاوي (ويخرب بيتك على قول عمدة حارة الشبيكه وسوق الليل) .
يا وزوز يبو بزبوز , يا ابن سلمان يا بطران , يا متكهل بكتشب ولابس في واحده من رجليك شبشب وجاي وثيابك عليك تخبخب , يا مدهش يا مفشفش ياللي دايم ترمش ومخك معشش , يا غضنفر ياللي كل يوم بسيارتك عند أهل البنشر , يا رويعي الكلاب ياللي قاعد للناس على سدة الباب.
يا أخوان , يا أخوات , :::: السلام عليكم ورحمة الله وبركاته , وكل عام وانتم بخير بمناسبة قرب حلول النصف الثاني من عامكم الهجري , وبعد /

أعلموا هداكم الله وكفاني الله شركم أن سيادة فخامة الشيخ الشريف الدكتورمنقاش دام ظله بغي يطوي صفحة الماضي ويترك اللدح والمزح الزايد اللي يعده العقال مثلي نقصانن في العقل ..
يا جماعه , يا ناس , يا هوه , أنا رجال كبير ولا كبير الا الله وودي أثقل شويه ,,, وفوقها أني كنت مشهور ومعروف بالفكر وطيب الذكر وبالعقل والحكمه , أو على الأقل قولوا أني خدعت الناس واغتروا بي أزمان وركبتها في روسهم على كذه , لكن جاء منتداكم لا عاد من منتدى وكشف أوراقي وفضح المستور ونسف السمعه الطيبه اللي بنيناها أثنين وثمانين سنه ,,, سنه ورا الثانيه , واليوم راحت عليه كلها فطيس في يوم وليله , ولا أقول الا حسبي الله عليكم وعلى الساعه اللي عرفتكم فيها وعرفت هذا المنتدى وما فيه من خزى وزرى وقلة جدى.
واليوم يا طوال الشوارب وانتم يا طوال العضايب كل شي قد أنتهى , ويا فصيح لا تصيح بعد طاحت الفاس في وسط الراس وبعد البحر كذب الغطاس , ولا ينفع البكاء على اللبن المسكوب ,,, حصل ما حصل وهذي نتيجة مرافقة رفقاء السوء أمثال المخاوي واضرابه ,,, ولا أقول الا الله يجعلك يا مخاوي منقاش بثور أسباني والا ثمالي خنفرته شبر وظهره عرضه متر وسنامه أربعه فتر وعيونه يتطاير منها الشرر يطردك في حلبه من الحلبات والا في برحة ابن عباس والا في جلان الفير (حقت راعي النحل خوي كونتليزه رز) ويشتالك يا بعيد الذكرعلى قرونه الأثنين ويرمي بك سما وتروح فوق فوق السحب على قول محمد ولد عبده وتعود نازل وتنثبر ولا توقع الا على قلة راسك وينشب فيك واحد من قرون الثور ولا يخرج منك الى يوم البعث .
يا ناس لا تمتحنوني , يا ناس تروني داخل عليكم تخلوني في حالي , ولا تنبشون عليه كل ما غبت عنكم ونويت أرتد شي من عقلي وابطل الثرمده كما يوم بطلها مهدي منتداكم ابو أمجد اللي ترك خويضكم ورويضكم وخفضكم ورفعكم في القيل والقال اللي ما تكبونه عنكم ياللي ما أنا قايل .

وختامها (زفت) , يعني لو تحبون منقاش من جد , ولو فيكم خير من جد كان وقفتم صف واحد وقلتم بفم واحد كلام واحد , قلتم بالفم المليان أسمعوا يا صنجان , ما تبقى من زمان قررنا تنزيل ابو عبدالرحمن ولا نرضى بمشرف عام على منتدى الثملان الا الشريف منقاش , وهذا هو مربط الفرس ومدفن الكلب اللي أن تحقق بقيت معكم في المنتدى وان ما حصل تركتكم ورميت عليكم بمية حجر ....