[منقاش]

يالاجواد لا تغتبون على زملوق
ترون قصيدته الأوله اللي هجاني فيها قالها وهو بحاله غير طبيعيه من قعقعة الببسي , وقصيدته الثانيه قالها بعد ما فاق وعود عقله عليه .
أما مشاكس فلا يصحي لا ليل ولا نهار لأن الماخوذ يشيل في قارورة ببسي أبو ثلاثه لتر وحاط في راسها رضاعه وكل وقته يمص فيها حتى وهو حاط راسه على الوساده والنتيجه يهرف بما لا يعرف .
أما الشيهان فهو رجال تكانه وعقله في راسه , بس عيبه أنه أحمق أدنى ما ثوره وعيبه الثاني أنه لو شم الببسي شموم تناثر ولا عاد لميته لأنه يسكر من زبيبه على قول حشاحيش مكه اكرمكم الله .
أما ابن عزاب ومدهش وابو الونات ورويعي الكلاب وابن سلمان فهم حقين سفن آب وكوكا كولا ولا أنطس منهم الا بعيد الذكرالمروح مخاوي منقاش اللي راح تركيا والله العليم هالحين ويش قاعد يسوي في هاك الديار .