[شبلي أبو الونات]

أعرف لي صاحب طلع من ديرتنا في الشمال بتحويشة سنة مع شوي سلفة وقال نبي نروح نتبرد في الطائف وصل هناك هو وزوجته وعياله محمد وأحمد وفاطمة و تهاني وحمادة اللي عمره 11 شهر ولف يدور شقق ما لقي الا اللي يقول 350 و400 ريال في غرفة وصالة وتبي أكبر ادفع اكثر
حسبها واذا هي يادوب تكفيه خمسة ايام ما تكون بالمشوار
لقي عرض عندهم
اجنحة عرسان 300 ريال غرفة استديو
توكل على الله وودى الغيدان للونيت الغمارتين ونفخ صدرة ودخل عليهم فيه اجنحة عرسان عندكم قالوا له نعم 300 ريال لليوم قال أبيها 10 أيام وسوا معهم العقد ورجع لغيدانه قال ابي اطلع انا وامكم الحين الدور الخامس غرفة 501 وبعد خمس دقايق يطلع محمد وفاطمة ثم بعد خمس دقايق تهاني واحمد وبعد عشر دقايق يرجع احمد ويطلع حمادة
تمت العشرة الأيام دون حس وخبر ويوم جا يسوي التشيك آوت صرفهم للسيارة حسب المتبع ونزل للاستقبال وحاسبهم قالوا له مع السلامة يابو .... الا وش اكبر عيالك الخمسة ؟