[هيبة ملك]

مدهش والسمكه الشفافه

--------------------------------------------------------------------------------

مدهش .. ولدن نظيفن .. مظهرهو ظريفن ... ولكن عنده عيب .. واحد .. فهو يعكس الجمل والكلمات ... مما سبب

له مشاكل في حياته .. فمثلا .. هو يملك دباب سبعين (احمر) .. وعنده اخت واحده .. اسمها حصه ..

فمره يناديها فسحه .. ومره طلعه ... وهو لايركبها خلفه في الدباب بتاتا .. من زود التطور .. يقول السيدات

اولا .. يخرج مدهش من مدرسته مصحصح ونشيط ( طول الوقت نايم ) .. ومن ثم يبدأ بممارسة هوايته

المفضله .. وهي ترفيع غزاله والمرور بين السيارات ... وبعد توصيل اخته للبيت وهي ..طايح قلبها من الخوف

وقرونها طايره من الروعه .. يذهب مدهش لصديق عمره الداشر وصاحب اشهر دباب في الستينات (خرينق)

حيث يتم هذا الحوار بينهما :

مدهش: وش فيك ياخي راد فيني اكبس لك بالنور امس الظهر وما تسمعني
خرينق : بالعكس انا اللي اضرب لك بوري وما تشوفني
مدهش: قسم انك مصرقع ... تروح معي نشتري بردوق صندقان ( صندوق بردقان )
خرينق: انا ما احب البرتقان .. احس اني اعاطس اذا شميته ( هذاك اول )
مدهش : طيب وين نروح .. قلي بسرعه قبل مايذن العصر .. شف الساعه 6 المغرب
خرينق : نروح سوق الحمام .. يقولون فيه سمكه رهيبه .. تشوف ضلوعها وهي تسبح
مدهش : قل والله ..
خرينق : مشينا اوريك اياها

ويردف خرينق ..مدهش ويروحون سوق الحمام .. ويقابلون شايب .. ملكع ..

قال خرينق : ياعم ... وين يبيعون السمك الشفاف
الشايب: وش هو فشفاشفه .. الفشفاش تلقونه عند ( نوير )

ويروحون لنوير .. قال مدهش : حنا جايينك من ذاك الشايب وموصينا عليك ..
قالت نوير : بكم تبون ( تبيع شروخ )
قال خرينق : نبي الله يسلمك ب200 انا 100 وصديقي ب100

وتقوم نوير تجيب البضاعه ( على بالهم سمك شفاف ) وتحطه بكيس .. قالت : انتبهوا من الشرطه
قال خرينق : ليه متى منعوه
قالت نوير .. موب شغلك ذا السوالف اكبر منك .. وفيها امن دوله .. فهمت ؟
قال خرينق .. لا ما فهمت ...
قالت نوير : احسن .. يالله انقلع

ويركب خرينق الدباب ويحط الكيس بين رجوله .. ومدهش وراه ...

ويطلع مدهش كبريت وزقاره .. بعد ما ولع الكبريت .. وجا يقربه من الزقاره .. ومير ياكل خرينق ذاك

المطب .. ويطيح عود الكبريت .. وسط الكيس .. ويقبع بهم ويطيرون ومايردهم الا سور الشميسي

ويشيلونهم .. للاسعاف .. وينومونهم بغرفه وحده بعد ما ربطوهم ...

التفت .. خرينق لمدهش .. وقال : نعنبو ذا السمكه .. بالعه .... مدفع

قال مدهش : متري .. بس وين حنا فيه

قال خرينق : والله من الدلاخه .. حنا في الملاهي .. وتمسك زين .. بيشغلون الصحن الدوار

قال مدهش : تيييييييييييب ( طييييييييييب )