[منقاش]

الجرعه السابعه
سلام يا وجيه الرفاقه والعواني
بسم الله الرحمن الرحيم
يكمل البدوي راعي الحمار النقاش اللي بداه في الجرعه السادسه من تبحثاته على بحث ابن همام اللي كان آخرها أثبات ابن أبي محمد على ابن همام أنه قال أن السد تهدم منذ قرون .

ألتفت على ابن ابي محمد وقلت : شوف ياللحيه الغانمه , لا تجمد عند ظواهر النصوص مثل صاحبك ابن همام يوم تفرزن عند نص الهمداني في وادي جفن .
الأستنتاجات تستنبط من التوفيق بين مجمل ألأقوال , والشطحات اللفظيه تحدث , وواضح لي من مجمل ما كتب رفيقنا ابن همام أنه يعرف السد تمام المعرفه بالحاله اللي هو عليها اليوم .
لكن اللي ثابت بهالمقوله أن بعض عبارات ابن همام ماهي منضبطه , وأحيان يلقي فيها بالكلام جزاف , وهذا يحدث منه ومن غيره ولا أحد يتوقف عنده لولا أنه قال عن ما كتبه أنه بحث يعتمد فيه على دراسه متأنيه وعميقه وأدله عقليه ونقليه.
ثم التفت على ابن همام وقلت : طيب ويش أنت قايل في كلام ابن ابي محمد اللي قال فيه أنك خلطت بين السراه وتهامه , وان خلطك بينها يجعلك ما أنت مؤهل حتى تنزل نصوصك على الواقع وتحدد بها منازل القبايل في السراه وتهامه على الطبيعه ؟.
رد ابن همام وقال : حد السراه من الغرب روس الشفيان أو سمها راس السراه وبعدها تنتهي السراه وتبتدي تهامه اللي منها عورش وعلق والمداعه.
رديت وقلت : هذي غلطان فيها يبن همام , والديار اللي سميتها وقلت أنها من تهامه مثل عورش وعلق وقوسى وغيرها , تراها كلها من السراه , ولاحظ كلام رفيقنا المبرد اللي أستشهدت به في قوسى , واللي يقول فيه أنها في السراه .
والملاحظ أن أستنتاجك خالفت فيه شاهدك , وعند هذا ألأستشهاد حسبنا عليك غلطتين , ألأولى أنك تخالف فيها صريح النص اللي أنت المستشهد به , والثاني أنك خلطت لنا الجغرافيا وقلبت السراه من تهامه .
ثم وقفت النقاش وانتصبت واقف وواصلت خطبتي البتراء اللي رايح أقتطف لكم منها مقتطفات في الجرعات الجايه بعد عيد الفطر أن شاء الله , أعاده على منقاش وابن همام وابن أبي محمد وكل القراء والأعضاء والمسلمين عامه بالخير , وتقبل الله من الجميع , والسلام عليكم ورحمة الله وبركاته .